რატომ არ აღნიშნავენ მუსლიმები ახალ წელს?

მუსლიმური ქვეყნები, ძირითადად, ჰიჯრის კალენდარს იყენებენ, რომელიც 622 წლიდან - წინასწარმეტყველ მუჰამედის მედინაში გადასახლებიდან იწყება.
იმ ქვეყნებში, რომლებიც ჰიჯრის მთვარის კალენდარს იყენებენ, ახალი წელი გრიგორიანული კალენდრის თარიღებში ლავირებს. ამგვარად, გრიგორიანული კალენდრის მიხედვით, ამ ქვეყნებში 2023 წლის 19 ივლისს 1445 წელი დადგება.

ისლამურ ტრადიციაში წლების შეცვლის დღე დღესასწაულად არ მიაჩნით, ხოლო დასავლეთის ქვეყნების ტრადიციის მიხედვით, 1-ელი იანვრის ღამეს ახალი წლის აღნიშვნა აკრძალულია, რადგან ეს რელიგიის საფუძვლებს ეწინააღმდეგება.

ზოგ ისლამურ ქვეყანაში აკრძალვებს ნაკლებად ითვალისწინებენ. მაგალითად, 31 დეკემბერს დუბაი საახალწლო ფეიერვერკებით ხვდება.

ამასთან, მთელ რიგ მუსლიმურ ქვეყნებში არსებობს დღესასწაული, რომელიც ახალი წლის დაწყებას აღნიშნავს და მას ნოვრუზი ჰქვია. სიტყვა ნოვრუზი სპარსულიდან მომდინარეობს და „ახალ დღეს“ ნიშნავს.

ნოვრუზი გაზაფხულის ბუნიობის დროს აღინიშნება - 21 მარტს.
დღესასწაულის ტრადიცია სათავეს წინაისლამურ ხანაში იღებს - ზოროასტრიზმში გაზაფხულის ბუნიობის დღეს დიდი მნიშვნელობა ჰქონდა.

ნოვრუზი ახალი წლის სახალხო დღესასწაულია ირანსა და ავღანეთში (ეს ქვეყნები ჰიჯრის მზის კალენდრის მიხედვით ცხოვრობენ) და ფართოდ აღინიშნება შუა აზიის რიგ ქვეყნებში.

გაზაფხულის ბუნიობის თარიღს 21 მარტს საქართველოს აზერბაიჯანელებიც აღნიშნავენ და ეს არა რელიგიური, არამედ სახალხო დღესასწაულია.

ესეც საინტერესოა:

თამარ მეფის შვილიშვილის ამბავი - როგორ იქცა გურჯი ხათუნი მუსლიმანური სამყაროს სიმბოლოდ

რატომ ეკრძალებათ მუსლიმან მამაკაცებს აბრეშუმის და ოქროს ტარება?

ცურვა არაბულად - მუსლიმანი ქალების საცურაო კოსტიუმები