რატომ არ ამოსდის სფინქსის კატას ბეწვი?

მიიჩნევა, რომ სფინქსის ჯიშის კატა სრულიად ჰიპოალერგიულია, თუმცა ეს მცდარი მოსაზრებაა, რადგან ალერგიას ცხოველის ქერტლი იწვევს და არა ბეწვი. რა თქმა უნდა, ბეწვის არარსებობამ შეიძლება ალერგიული რეაქცია შეამციროს, მაგრამ მთლიანად ვერ გააქრობს.

ვცადოთ, გავარკვიოთ, რატომ არ აქვთ სფინქსის ჯიშის კატებს ბეწვი?

უჩვეულო კატა

სფინქსის ჯიშის კატებს თავდაპირველად კანადური უბეწვოს სახელით მოიხსენებდნენ, რადგან პირველი სფინქსის კნუტი ტორონტოში, 1966 წელს დაიბადა. მოგვიანებით გაირკვა, რომ უბეწვო კნუტი, სახელად black plum (შავი ქლიავი) ბუნებრივი გენეტიკური მუტაციის შედეგი იყო. სწორედ მან დაუდო სათავე უბეწვო კატების მოშენების პროგრამას.

მუტაცია, რომელიც "გამელოტებას" იწვევს, თმის ფოლეკულის ცილოვანი კერატინით მომარაგებას უკავშირდება. ამ დროს ბეწვი ყალიბდება, მაგრამ მას გაცილებით სუსტი სტრუქტურა აქვს და ადვილად ზიანდება.

მაინც რატომ გადაწყვიტეს მეცნიერებმა უბეწვო ფისოების გამრავლება?

ითვლება, რომ მათი მიზანი გენეტიკურად ძლიერი, დიდი ჰიბრიდული პოტენციალის მქონერ კატის გამოყვანა იყო. ფაქტობრივად, ეს ახალი, ძლიერი კატაა, რომელსაც სერიოზული დაავადებები და გენეტიკური პრობლემები არ ემუქრება.

როგორ იტანენ სიცივეს უბეწვო კატები?

რა თქმა უნდა, ბეწვის არარსებობა სფინქსებისთვის მნიშვნელოვან როლს ასრულებს გარემოში ადაპტაციის კუთხით. დიახ, სხვა კატებთან შედარებით სფინქსებს გაციება და მზის დამწვრობა ემუქრებათ, სხვა მხრივ კი ისინი კატების ოჯახის ტიპური წარმომადგენლები არიან! მოსიყვარულეები არიან, თამაში სიამოვნებთ და, რა თქმა უნდა, პირს ხშირად იბანენ.

ასევე წაიკითეთ:

რისთვის სჭირდება კატას ულვაში?

კატები სახელმწიფო სამსახურში