რატომ არ იყიდება ინდაურის კვერცხი მაღაზიაში?

რა თქმა უნდა, ინდაურის კვერცხი საკვებად ვარგისია. ის გემოთი ქათმის კვერცხს ჰგავს, მხოლოდ დიდი ზომისაა და უფრო მყარი ნაჭუჭი აქვს. მისი წონა 70-80 გრამს აღწევს. შედარებისთვის, პირველი ხარისხის ქათმის კვერცხის წონა 55-დან 65 გრამამდეა, ანუ ინდაურის კვერცხზე 1,5-ჯერ ნაკლები!

რაც შეეხება ფასს, ინდაურის კვერცხის ფასი 4 ლარიდან იწყება (ერთი ცალის), ამ ფასად შეიძლება ერთი შეკვრა ქათმის კვერცხი იყიდოთ.

ინდაურები კვერცხის დებას საკმაოდ გვიან - 7-9 თვის ასაკში იწყებენ, როცა ქათმები კვერცხებს 2-4 თვის ასაკში დებენ! ამასთან, ახალგაზრდა ქათამი კვირაში 5-6 კვერცხს დებს, ინდაურს კი დროის იმავე მონაკვეთში მხოლოდ 2 კვერცხის დადება შეუძლია.

ინდაურს გემრიელი, ჯანსაღი და დიეტური ხორცი აქვს. სხვა ფრინველის ხორცთან შედარებით, ინდაურის ცხიმი მდიდარია A, E ვიტამინებით და მასში ძალიან დაბალია ქოლესტერინის შემცველობა. ინდაურის ხორცი მდიდარია ისეთი მიკროელემენტებით, როგორიცაა: ფოსფორი, კალციუმი, კალიუმი, გოგირდი, სელენი, რკინა, ნატრიუმი, მაგნიუმი, იოდი, მანგანუმი. ასევე ვიტამინები: PP, B6, B12, B2.

რაც შეეხება ინდაურის კვერცხს, მისი გემო ქათმის კვერცხისგან არ განსხვავდება, თუმცა ის მეტ ცილას, მეტ ვიტამინებს და რამდენჯერმე მეტ ქოლესტერინს შეიცავს, თუმცა ეს არავის აღელვებს - ინდაურს ომლეტებისა და გოგლი-მოგლისთვის არავინ ამრავლებს. ამერიკელები ინდაურზე მხოლოდ ხორცის გამო ნადირობდნენ და ხორცის გამო მოიშინაურეს ევროპელებმაც.

ხუთი საუკუნის განმავლობაში ინდაურის გამრავლება ორი: სახორცე და დეკორატიული მიმართულებით მიმდინარეობდა. კვერცხისთვის ინდაურების გამრავლება არავის უცდია და საეჭვოა, ვინმეს ამის სურვილი მომავალში გაუჩნდეს.

ესეც საინტერესოა:

როგორ ახერხებს წიწილა კვერცხში სუნთქვას?

„ნიშანი ზემოდან“ - რას უნდა ველოდეთ, თუ კვერცხში ორი გულია

რატომ დებს გუგული კვერცხებს სხვის ბუდეში? - მეცნიერებმა ფრინველის საიდუმლო ამოხსნეს