რატომ ღირს შავი ხიზილალა წითელზე ძვირი?

პირველ რიგში, აღვნიშნოთ, რომ ხიზილალა თევზის კვერცხებია, რომელსაც ის ჩვენი სუფრის დასამშვენებლად კი არა, შთამომავლობის გასამრავლებლად დებს. თევზის ლიფსიტებზე ნუ ინერვიულებთ - ადამიანი საკვებად მხოლოდ თევზის გაუნაყოფიერებელ კვერცხებს იყენებს.

ხიზილალის შემადგენლობა:

ხიზილალა მაკრო და მიკროელემენტების საწყობია, რომელიც შეიცავს: ფოსფორს, სელენს, ფოლიუმის მჟავას, B12, E და D ვიტამინებს და ომეგა-3 ცხიმოვან მჟავებს.

თუ ფიქრობთ, რომ ძვირად ღირებული შავი ხიზილალა მეტ ვიტამინებს და მინერალებს შეიცავს, ცდებით. თევზის კვერცხების შემადგენლობა ფერების მიხედვით არ იცვლება!

ერთადერთი განსხვავება ისაა, რომ წითელი კვერცხები ემბრიონის განვითარებისთვის შედარებით მეტ ცხიმს და ცილას შეიცავენ, ხოლო შავი კვერცხები - შედარებით მეტ რკინას.

იქნებ ფასში განსხვავება ხიზილალას ფერის დამსახურებაა?

ვნახოთ, რომელი უნიკალური ნივთიერება „აშავებს“ ჩვეულებრივ ხიზილალას?

როგორც ირკვევა, ხიზილალას შავ შეფერილობას მელანინი აძლევს - პიგმენტი, რომელსაც ყველა ცოცხალი არსება შეიცავს და პასუხისმგებელია სხეულში შავი ფერის ინტენსივობაზე.

მაშ, რატომ არის შავი ხიზილალის ფასი გაცილებით მეტი, თუ თითქმის არ განსხვავდება წითელი ხიზილალისგან?

საქმე ისაა, რომ წითელი ხიზილალა ორაგულისგან მიიღება, ხოლო შავი - ზუთხისგან.

თუ კიდევ ვერაფერს მიხვდით, განვმარტავთ: ტყვეობაში ორაგულის გამრავლება ბევრად უფრო ადვილია, ვიდრე ზუთხის. უფრო მეტიც, ზუთხის პირველი ქვირითობა ცხოვრების მე-12 წელს ხდება!

ასე რომ, რაც უფრო იშვიათია თევზი, მით უფრო ძვირია მისი ხიზილალა. მაგალითად, წითელ ხიზილალებში ყველაზე იაფი ვარდისფერი ორაგულის ხიზილალაა, ყველაზე ძვირი კი კიჟუჩის ორაგულის ხიზილალა.

შავი ხიზილალის შემთხვევაში თევზის ასაკიც კი მნიშვნელოვანია. ამასთან, რაც უფრო ღია ფერისაა ხიზილალა, მით უკეთესია. ყველაზე იშვიათი და ძვირად ღირებულია 80 წლის ალბინოს ბელუგას (სვიას) ხიზილალზა. მას "ოქროს" ან "ბრილიანტის" ხიზილალას სახელით მოიხსენიებენ. ალბინოსი ბელუგა (სვია) 100 წლამდე ცხოვრობს და იზრდება 1 ტონამდე.

ოქროს ხიზილალა არა მარტო ყველაზე ძვირი, არამედ ყველაზე იშვიათიცაა. მის შესაძენად ადამიანები 4-5 წელი რიგში დგანან.
ასე რომ, მსოფლიოში ყველაზე ძვირად ღირებული ხიზილალა არც ყველაზე გემრიელი და არც ყველაზე ჯანსაღია. ის ყველაზე იშვიათია და ეს მისი ერთადერთი უპირატესობაა.

ესეც დაგაინტერესებთ:

რატომ აიკრძალა თევზის ქონი საბჭოთა კავშირში?