როგორ დაეხმარა 11 წლის გოგონას რჩევა ლინკოლნს გაპრეზიდენტებაში...

1860 წლის 15 ოქტომბერს, საპრეზიდენტო კამპანიის მიმდინარეობისას, ლინკოლნმა ნიუ-იორკის შტატის პატარა ქალაქ ვესტლენდში მცხოვრები 11 წლის გოგონა გრეის ბედელისგან წერილი მიიღო. პატარა ამერიკელი ლინკოლნის გულწრფელი გულშემატკივარი გახლდათ და წერილში, არც მეტი, არც ნაკლები, წვერის მოშვება სთხოვა - გრეის აზრით, პრეზიდენტის გამხდარ სახეს წვერის მოშვება მოუხდებოდა.

„მე ოთხი სრულწლოვანი ძმა მყავს, რომელთაგან ერთი არჩევნებზე ხმას აუცილებლად თქვენ მოგცემთ, მაგრამ, თუ წვერს მოუშვებთ, დანარჩენი სამის დარწმუნებასაც შევძლებ, რომ მის მაგალითს მიჰბაძონ. თქვენ ძალიან გამხდარი სახე გაქვთ და წვერში გაცილებით ახოვანი და სიმპათიური გამოჩნდებით. ქალებს წვერიანი მამაკაცები მოსწონთ და ისინი შეეცდებიან, ქმრები და შეყვარებულები დაარწმუნონ, არჩევანი თქვენზე შეაჩერონ. ასეთ შემთხვევაში, თქვენ აუცილებლად გახდებით პრეზიდენტი“, - წერდა გრეის ბედელი.

ლინკოლნის საპასუხო წერილი 1980 წლის 19 ოქტომბრით თარიღდება:

„წვერი ადრე არასოდეს მიტარებია. როგორ ფიქრობთ, ბრიყვად ხომ არ ჩამთვლიან, ახლა რომ მოვუშვა?“

ბევრი ფიქრისა და ყოყმანის შემდეგ, 51 წლის ლინკოლნმა გოგონას რჩევა გაითვალისწინა და შედეგად, 1860 წლის 6 ნოემბერს აშშ-ს მე-16 პრეზიდენტი გახდა.

ლინკოლნი ხშირად იმეორებდა, რომ წვერის მოშვება პატარა ამერიკელმა გოგონამ გადააწყვეტინა.

აღსანიშნავია, რომ ერთხელ, ილინოისიდან ვაშინგტონში მგზავრობის დროს, ლინკოლნი საინაუგურაციო სიტყვის წარმოსათქმელად გრეის ბედელის მშობლიურ ქალაქ ვესტლენდში შეჩერდა. ტრიბუნაზე ასვლისთანავე მან იკითხა, დამსწრეთა შორის ხომ არ იყო პატარა გოგონა, სახელად გრეისი.

შეკრებილ ადამიანებში მაღლა აწეული პატარა ხელი გამოჩნდა. როცა გრეისი პრეზიდენტთან მიიყვანეს, მან გოგონა ხელში აიყვანა და ხმამაღლა განაცხადა, რომ ამერიკის პრეზიდენტი სწორედ ამ გოგონას წყალობით გახდა.

ესეც საინტერესოა:

როგორ ცხოვრობს მსოფლიოში ყველაზე ღარიბი პრეზიდენტი (ფოტორეპორტაჟი)

მსოფლიოში ერთადერთი ქალი, რომელსაც ორი პრეზიდენტი ქმარი ჰყავდა!

რამდენია პრეზიდენტის ხელფასი მსოფლიოს სხვადასხვა ქვეყანაში?