ვინ და როდის გამოიგონა ცხვირსახოცი?

fun time

16:07 ხუთ. 30 იანვარი

დაკოპირებულია

იცით თუ არა, რომ ცხვირსახოცის შექმნის ისტორია ძველი რომიდან იწყება?

ძველი რომის კეთილშობილი მოქალაქეები კისერზე, მხარზე ან მაჯაზე სურნელოვანი ქსოვილის ნაჭერს - ორარიუმს ატარებდნენ, რომელიც ჭამის შემდეგ თითების გასაწმენდად ან დაცემინების შემდეგ ცხვირის მოსაწმენდად გამოიყენებოდა.

რენესანსის ეპოქაში ცხვირსახოცი ჯერ იტალიაში, შემდეგ საფრანგეთში, გერმანიასა და ესპანეთში ულტრამოდურ აქსესუარად იქცა. როგორც წესი, კეთილშობილი მოქალაქეები თხელი ბატისტის, ლამაზად ამოქარგულ ცხვირსახოცებს სახელოში ინახავდნენ ან ქამარზე ეკიდათ.

თავდაპირველად, ცხვირსახოცები სხვადასხვა ფორმის იკერებოდა: მრგვალი, სამკუთხედი, მართკუთხედი...

ოთხკუთხა ცხვირსახოცი საფრანგეთის დედოფლის, მარი ანტუანეტის წყალობით შეიქმნა და სამუდამოდ დამკვიდრდა.

ზუსტად არავინ იცის, ცხვირსახოცი საქართველოში როდის გამოჩნდა, თუმცა მათი გამოყენება ჰიგიენურ საშუალებად მე-18 საუკუნიდან დაიწყო.

დღეს ცხვირსახოცი ორი მიმართულებით გამოიყენება: როგორც დეკორატიული აქსესუარი (კოსტიუმის ჯიბეში) და როგორც ყოველდღიური აუცილებლობა.

ფოტოზე: ნაპოლეონ ბონაპარტის კუთვნილი ცხვირსახოცი