გამოიგონეს თვალის ლინზა, რომლითაც სიბნელეშიც დაინახავთ

ახლახან ჩინელმა მეცნიერებმა კონტაქტური ლინზის ახალი ტიპი შექმნეს, რომელიც საშუალებას იძლევა სიბნელეში, დახუჭული თვალებითაც კი დაინახოთ. ამ ლინზებს ნანონაწილაკების გამოყენებით, დაბალი სიხშირის სინათლის შთანთქმა და მისი ხილულ სპექტრად გარდაქმნა შეუძლიათ.

ღამის ხედვის გარდა, ახალი ტექნოლოგია შეიძლება დალტონიზმის მქონე ადამიანებს ფერის აღქმაში დაეხმაროს.

ადრე ღამის ხედვის მოწყობილობები მძიმე იყო და ელექტროენერგიას მოითხოვდა, ახალი ლინზები კი ბუმბულივით მსუბუქია და ენერგიის წყარო არ სჭირდება.

ლინზებთან დაკავშირებული კვლევები ჩინეთის მეცნიერებისა და ტექნოლოგიების უნივერსიტეტში ჩატარდა და ჟურნალ Cell Press-ში გამოქვეყნდა.

მეცნიერები ამტკიცებენ, რომ ახალი ტექნოლოგია შექმნის მოწყობილობებს, რომლებიც „სუპერ ხედვას“ უზრუნველყოფენ. ინფრაწითელი სინათლის გამოყენება შეიძლება არა მხოლოდ ღამის ხედვისთვის, არამედ საიდუმლო კომუნიკაციებისა და უსაფრთხოების სფეროებშიც სასარგებლო იყოს.

***

რომელი ფაქტორები განსაზღვრავს თვალის ფერს?

როცა ლამაზი თვალები დაავადების სიმპტომია

კანაფი, ვისკი, ტიტანი - 10 სათვალე ყველაზე უჩვეულო მასლისგან