ლუდის ცუნამი ლონდონში, რომელმაც რვა ადამიანი იმსხვერპლა

ტრაგედიის დღეს, საღამოს, დაახლოებით ხუთ საათზე, ლუდის საამქროში ერთ-ერთი მოწყობილობა დაზიანდა. იმ დღეს საწყობში ვინმე ჯორჯ კრიკი მორიგეობდა, რომელმაც მომხდარს დიდი მნიშვნელობა არ მიანიჭა და, უბრალოდ, სარემონტო სამუშაოების მუშებს შეტყობინება დაუტოვა. მოგვიანებით, პოლიციელებთან საუბრისას მან აღნიშნა, რომ ასეთი ავარია წელიწადში ორჯერ ან სამჯერ ხდებოდა და მანამდე ტრაგიკული არაფერი განვითარებულა.

დაახლოებით, ერთი საათის შემდეგ, როდესაც მისტერ კრიკი მახლობელ ტავერნაში ლუდს მიირთმევდა, „აფეთქების“ გამაყრუებელი ხმა გაისმა. რამდენიმე წუთის შემდეგ ლუდსახარში ბანქოს სახლივით ჩამოიშალა და ქუჩებში ოთხი მეტრის სიმაღლის ტალღა გამოიჭრა.

იმ დროს ტოტენჰემ-კორდ-როუდის ქუჩაზე მყარად ნაგები აგურის სახლები არ იდგა. ხის სახლები კი, სადაც ძირითადად, ღარიბი ირლანდიელები ცხოვრობდნენ, ლუდის ტალღამ წამებში დაანგრია.

ტალღის სიძლიერემ ლუდსახარშის მოპირდაპირე მხარეს, ერთ-ერთ ლუდის ბარში მომუშავე 15 წლის გოგონა, სახელად ელეონორ კუპერი ადგილზე მოკლა.

მეზობელი სახლის სარდაფში მცხოვრები ექვსი ირლანდიელი ისე დაიღუპა, რომ ზემოთ ამოსვლა ვერ მოახერხა. ერთი ადამიანი ალკოჰოლით მოწამვლით გარდაიცვალა - მან ძალიან დრო დრო გაატარა ლუდით დატბორილი ოთახში და კანმა იმდენი ალკოჰოლი შეიწოვა, რომ გული გაუჩერდა.

საბოლოოდ, ლუდის ცუნამმა ლონდონში რვა ადამიანი შეიწირა. მათ შორის უმეტესოა ქალი და ბავშვი იყო.