მილიარდერები საჭესთან - რომელ ავტომანქანებს მართავენ პლანეტის უმდიდრესი ადამიანები?

fun time

16:31 ორშ. 22 მაისი, 2023 წელი

დაკოპირებულია

ისინი პლანეტის ყველაზე მდიდარი და გავლენიანი ადამიანები არიან, თუმცა როცა საქმე ავტომობილებს ეხება, ზოგი პრემიუმ კლასის ბრენდებს - Lamborghini, Rolls-Royce ან Bentley-ს, ზოგი კი ჩვეულებრივ Honda-ს ან Toyota Prius-ს არჩევს.

1. ჯეფ ბეზოსი - Honda Accord

ჯეფ ბეზოსი კომპანია Amazon.com-ის დამფუძნებელი და აღმასრულებელი დირექტორია. Forbes მის ქონებას 171 მილიარდ დოლარად აფასებს. მილიარდერისთვის დღემდე ძვირფასია მისი პირველი ავტომობილი - 1996 წლის Honda Accord, რომლითაც ის გადაადგილდება.

აქვე აღვნიშნავთ, რომ ბეზოსის ავტოფარეხში ავტომობილების უნიკალური კოლექციაა, მათ შორის არის: Lamborghini Veneno, Bugatti Veyron Mansory, Pininfarina Sergio...

2. ლარი პეიჯი და სერგეი ბრინი - Toyota Prius

ლარი პეიჯი და სერგეი ბრინი საძიებო სისტემა Google-ის დამფუძნებლები არიან. პეიჯის ქონება 11q ხოლო ბრინის ქონება 107 მილიარდ დოლარს შეადგენს. აღსანიშნავია, რომ ბიზნესპარტნიორებს პირადი მოხმარებისთვის ერთი და იგივე - Toyota Prius -ის მოდელის მანქანები ჰყავთ.

ბიზნესმენები აქტიურად არიან ჩართულები სივრცის შემსწავლელი კომპანიების საქმიანობაში, “მფრინავი მანქანების“ და მაღალტექნოლოგიური თვითმფრინავების შექმნაში.

3. მარკ ცუკერბერგი - Honda Fit

მარკ ცუკერბერგი სოციალური ქსელის Facebook დამფუძნებელია. Forbes-ი მის ქონებას 104 მილიარდ დოლარად აფასებს. მარკი, ძირითადად, Honda Fit-ით გადაადგილდება.

მის ავტოფარეხში ასევე Volkswagen Golf GTI და Acura TSX შეგიძლიათ ნახოთ.

4. ილონ მასკი - Tesla Model S

ამერიკელი ბიზნესმენი, გამომგონებელი და ინვესტორი, SpaceX-ის დამფუძნებელი, აღმასრულებელი დირექტორი და წამყვანი დიზაინერი, აგრეთვე Tesla, Inc.-ის თანადამფუძნებელი და აღმასრულებელი დირექტორი როგორც საკუთარი ბიზნესის ნამდვილი მხარდამჭერი, Tesla Model S -ის მარკის ავტომობილს მართავს.

Forbes მასკის ქონებას 2019 მილიარდ დოლარად აფასებს. მილიარდერის ავტოფარეხში Tesla Model X და Tesla Model 3 ავტომობილებსაც ნახავთ.

5. ბილ გეითსი - Porsche 959

ბილ გეითსი Microsoft-ის ერთ-ერთი დამფუძნებელია. Forbes მის ქონებას 129 მილიარდ დოლარად აფასებს. ბიზნესმენს ავტომობილებში ყველაზე მეტად პორშე მოსწონს და ამ მანქანების დიდი კოლექცია აქვს.