ოდესღაც Apple ტანსაცმელსაც ამზადებდა

fun time

15:21 ხუთ. 9 მარტი, 2023 წელი

დაკოპირებულია

კომპანია Apple Inc. ამერიკული მულტინაციონალური კორპორაციაა, რომელიც აწარმოებს სამომხმარებლო ელექტრონიკას და მასთან დაკავშირებულ პროგრამულ უზრუნველყოფას. Apple ამზადებს პერსონალურ კომპიუტერებს და პორტატიულ მედია-პლეერებს, ასევე დაკავებულია ახალი ტექნოლოგიური კონცეფციების შექმნით, მათ შორის iPhone-ის, Apple TV-ის, Apple watch-ის და ახალი ოპერაციული სისტემა Mac OS X El Capitan-ის დამუშავებით, თუმცა იყო დრო, როდესაც ტანსაცმელს კერავდა...

2023 წლის 5 ოქტომბერს Apple-ის თანადამფუძნებლის, თავმჯდომარისა და მთავარი აღმასრულებელი დირექტორის სტივ ჯობსის გარდაცვალებიდან 12 წელი შესრულდება, თუმცა ის დღემდე ისტორიაში ერთ-ერთი საუკეთესო ლიდერის სახელს ინარჩუნებს.

ჯობსის ყველა იდეა წარმატებული არ ყოფილა, მაგრამ მისმა წარმატებულმა პროექტებმა ყველა წარუმატებლობა დაჩრდილა.

ცნობილია, რომ ერთხელ Apple-ის თავმჯდომარე Sony-ს ოფისს ეწვია და მასზე უდიდესი შთაბეჭდილება მოახდინა კორპორაციული ჩაცმის დრეს-კოდმა, სპეციალურად Sony-სთვის შექმნილი ბრენდირებული ტანსაცმლით.

Apple-ის ხელმძღვანელს მოეჩვენა, რომ კორპორაციული ჩაცმის დრეს-კოდი გუნდური სულისკვეთების გასაძლიერებლად მშვენიერი იდეაა და იაპონელ დიზაინერს ისეი მიაკეს კომპანიისთვის ბრენდირებული ტანსაცმლის ხაზის შექმნა თხოვა.

შედეგად, ადამიანებს, რომლებიც 1986 წელს Apple-ში მუშაობდნენ, Apple collection-ის საფირმო ტანსაცმელი წარუდგინეს - ნეილონის ქურთუკები მოსახსნელი სახელოებით, ჯემპრები, მაისურები და ბეისბოლის ქუდები. რა თქმა უნდა, სამოსსაც და აქსესუარებსაც Apple-ის ფერადი ლოგოები ამშვენებდა, რაც მუშებს რატომღაც არ მოეწონათ.

კატალოგის დათვალიერების შემდეგ, მათ შეთავზებული სამოსის ჩაცმაზე კატეგორიული უარი განაცხადეს. ასე რომ, ტანსაცმლის წარმოება დაწყებისთანავე შეჩერდა და მალევე დაიხურა.