რატომ აქვს სამეფო ოჯახში ცოლ-ქმარს საძინებლები ცალ-ცალკე
12:55 პარ. 21 ოქტომბერი, 2022 წელი
39 წლის პრინც უილიამი და მისი ცოლი ქეითი, ბრიტანელთა შეფასებით, სამეფო ოჯახის ყველაზე ლამაზი და პოპულარული წყვილია. ამ ორის ურთიერთობა 10 წლის წინათ დაიწყო და დღემდე ყოველგვარი სკანდალების გარეშე გრძელდება. ერთადერთი, რაც სამეფო ოჯახის გულშემატკივრებს მოსვენებას უკარგავს, ისაა, რომ პრინცს და კემბრიჯის ჰერცოგინიას სხვადასხვა საძინებლებში სძინავთ. მაინც რა არის ასეთი უცნაური ტრადიციის მიზეზი?
სახლის უჩვეულო განლაგება
ცნობილია, რომ პრინცი უილიამი და ქეით მიდლტონი, სამ შვილთან ერთად, კენსინგტონის სასახლეში ცხოვრობენ. ისინი დროის უმეტეს ნაწილს 1A-ის აპარტამენტებში ატარებენ, რომელიც სამეფო წყვილის მთავარ რეზიდენციად მიიჩნევა. სამეფო ოჯახის გულშემატკივრებისთვის სწორედ ამ რეზიდენციის არასტანდარტული განლაგება უდიდესი სიურპრიზი აღმოჩნდა.
ფოტო businessinsider.com
სასახლის გეგმას თუ დააკვირდებით, აღმოაჩენთ, რომ პრინცისა და პრინცესას საძინებლები პირველ სართულზეა განთავსებული, რაც უცნაურია, ვინაიდან ბრიტანელების უმეტესობა საძინებლებისთვის ზედა სართულებს არჩევს. უელსის პრინცმა და პრინცესამ გადაწყვიტეს, ყველასგან განსხვავებულად მოქცეულიყვნენ და პირველ სართული დაიკავეს, ზედა სართულები კი პერსონალს დაუთმეს. მაგალითად, მათი შვილების ძიძას მარია ბორალოს წლებია მეორე სართულის ერთ-ერთ საძინებელში სძინავს.
რატომ სძინავთ უელსის პრინცს და პრინცესას ცალ-ცალკე
ბევრმა არ იცის, რომ სამეფო ოჯახებში ცოლ-ქმრის ცალ-ცალკე ძილი საკმაოდ გავრცელებული პრაქტიკაა. „ინგლისის სამეფო და დიდგვაროვანთა ოჯახებში თაობიდან თაობას გადაეცემა ცოლ-ქმრის სხვადასხვა საძინებელში ძილის ტრადიცია. დარწმუნებული ვარ, არავის ესიამოვნება, თუ მეუღლე ძილში ხვრინვას ამოუშვებს ან ფეხს მოგარტყამთ“ - ასე პროზაულად განმარტავს უცნაურ ტრადიციას პრინც ფილიპის ბიძაშვილი, ლედი პამელა ჰიქსი.
ლედი პამელას თქმით, საძინებლებს შორის კარი არ იკეტება და მეუღლეებს ნებისმიერ დროს შეუძლიათ ერთმანეთის მონახულება.
ესეც დაგაინტერესებთ:
რატომ არ ატარებენ პრინცი უილიამის შვილები მამის გვარს?
სავალდებულო წესები სამეფო ოჯახის ბავშვებისთვის
სიახლეები ამავე კატეგორიიდან