უნიკალური ხე, რომელიც ხილის 40 სახეობას ისხამს

fun time

12:00 ორშ. 20 დეკემბერი, 2021 წელი

დაკოპირებულია

უჩვეულოა არა? მაგრამ ეს ბუნების საოცრება კი არა, ადამიანების ჩარევის შედეგია. ერთ-ერთი ასეთი ჰიბრიდული ხე ამერიკის შეერთებულ შტატებში იზრდება და მის ტოტებზე შეიძლება ქლიავი, ატამი, მსხალი, ვაშლი, ალუბალი და ნუშიც კი დაკრიფოთ.

„ჯადოსნური ხე“ ნიუ-იორკის შტატში, სირაკუზის უნივერსიტეტის (Syracuse University) ტერიტორიაზე იზრდება და მისი შემქმნელი ამავე უნივერსიტეტის პროფესორი სემ ვან აკენია.

მებაღეები კარგად იცნობენ ერთ ხეზე რამდენიმე ჯიშის ნაყოფის დამყნობის მეთოდს. ხილის მოყვანის ეს მეთოდი მცირე ფართობებისთვის იდეალური და ძალიან მოსახერხებელია.

„40 ხილის ხე“ რომ გამოეყვანა, ვან აკენმაც დამყნობის მეთოდს მიმართა. მისი თქმით, მუშაობის დროს მაქსიმალურად ერიდებოდა გენური ინჟინერიის გამოყენებას. ნებისმიერი ხილი, რომელსაც ეს ხე ისხამს, ჯანმრთელობისთვის სასარგებლოა და არაფრით განსხვავდება იმ ხილისგან, რომელსაც სხვა, ჩვეულებრივი მცენარე ისხამს.

„40 ხილის ხე“ მთელი გაზაფხულის მანძილზე ყვავის - იწყება ატმის ყვავილობით, რასაც მოჰყვება იაპონური ქლიავი, ნექტარინი ევროპული ქლიავი და ალუბალი. „40 ხილის ხეების“ პატრონები კმაყოფილნი არიან მიღებული მოსავლით.

ამ ეტაპზე ამერიკის მასშტაბით 16 ცალი „40 ხილის ხეა“.მომავლისთვის მსგავსი ტიპის მცენარეების პლანტაციის გაშენებაც იგეგმება, რომელიც ამერიკისთვის მთავარი ხილის მიმწოდებელიც კი შეიძლება გახდეს.