ატმის სასარგებლო თვისებები

ატმის ნაყოფი დიდი რაოდენობით მცენარეულ ბოჭკოს, პექტინებს და ბეტა-კაროტინს შეიცავს, რაც ადამიანის ყველა ორგანოსა და სისტემის მუშაობაზე სასიკეთო გავლენას ახდენს.

კერძოდ კი:

• ორგანიზმიდან გამოაქვს მძიმე მეტალები, ტოქსინები და ჭარბი სითხე;
• აქვეითებს სისხლში ქოლესტერინის დონეს;
• უზრუნველყოფს გულის კუნთის ნორმალურ მუშაობას;
• ასტაბილურებს არტერიულ წნევას;
• დადებითად მოქმედებს მხედველობაზე;
• აჯანსაღებს ნაწლავის მიკროფლორას.

👉 უამრავი სასარგებლო თვისების მიუხედავად, დიეტოლოგები გვირჩევენ, მხოლოდ გაფცქვნილი ნაყოფი მივირთვათ:

„ატამს ნაზი კანი აქვს, ამიტომ მისი კარგად გარეცხვა რთულია. ჩვენ არ ვიცით ,როგორ დაამუშავეს ნაყოფი, სანამ მაღაზიის დახლებამდე მივიდა, ამიტომ თავის დაზღვევის მიზნით მისი გაფცქვნა ჯობს“, - ამბობს მიჩიგანის უნივერსიტეტის პროფესორი ლორა ლინდი.

👉 ექიმები დიაბეტით დაავადებულებს ურჩევენ ტკბილი ატმის მირთმევას მოერიდონ; ამ ხილზე უარი უნდა თქვათ ასევე კუჭ-ნაწლავის დაავადებების გამწვავების დროს.