კარაქი თუ მცენარეული ზეთი? — რომელი უფრო სასარგებლოა

ახალი კვლევის მიხედვით, კარაქის ნაცვლად მცენარეული ზეთის მოხმარებამ შეიძლება ადამიანის სიცოცხლე მნიშვნელოვნად გაახანგრძლივოს. 30 წლიანმა კვლევამ, რომლის შედეგები JAMA Internal Medicine-ში გამოქვეყნდა, დაადასტურა, რომ სხვადასხვა ტიპის ცხიმი ჯანმრთელობაზე სხვადასხვაგვარად მოქმედებს.

კვლევის მონაწილეები ყოველ ოთხ წელიწადში ერთხელ ანკეტებს ავსებდნენ და ანალიზებს აბარებდნენ.

აღმოჩნდა, რომ ადამიანებს, რომლებიც ბევრ კარაქს მოიხმარენ, ნაადრევი სიკვდილის რისკი 15%-ით მაღალი აქვთ. ამასთან, მცენარეული ზეთების (ზეთისხილის, სოიოს, კანოლას) გამოყენება სიკვდილიანობის რისკს 16%-ით ამცირებს.

იმავე კვლევის თანახმად, დღეში ყოველი 10 გრამი კარაქი კიბოთი სიკვდილის რისკს 12%-ით ზრდის, მცენარეული ზეთის ყოველი 10 გრამი კი კიბოთი გარდაცვალების რისკს 11%-ით და გულ-სისხლძარღვთა დაავადებების რისკს — 6%-ით ამცირებს.

ასეთი განსხვავების მიზეზი ისაა, რომ კარაქი გულ-სისხლძარღვთა დაავადებების გამომწვევ ნაჯერ ცხიმებსს შეიცავს, რომელიც „ცუდი“ ქოლესტერინის დონეს ზრდის, მცენარეული ზეთები კი უჯერი ცხიმებითაა მდიდარი.

კვლევის ავტორის, ჰარვარდელი მეცნიერის იუი ჯანის თქმით, კვლევის შედეგების თანახმად, კვების მენიუს სულ მცირე კორექციაც კი შეუძლია ნაადრევი სიკვდილის რისკი მნიშვნელოვნად შეამციროს.

ესეც დაგაინტერესებთ:

როგორ შევარჩიოთ ზეითუნის ზეთი - რა უნდა ამოვიკითხოთ ეტიკეტზე?

ღორის ხორცის სასარგებლო თვისებები და მავნებლობა: მითები და რეალობა

შემწვარი კარტოფილი სასარგებლოა!