ხელების მოვლა სახლის პირობებში

ხელის კანის გამაახალგაზრდავებელი ნიღაბი:

მარილი - 2 ს/კ (ზღვის ან ქვის);

სოდა - 2 ს/კ;

დასაბანი გელი ან ქაფი - 3 ს/კ.

• მარილი აუცილებლად დააბლენდერეთ, რათა მარილის კრისტალებმა კანი არ გაკაწროს;
• დაბლენდერებულ მარილს დაამატეთ სოდა, დასაბანი გელი ან ქაფი, კიდევ ერთხელ დააბლენდერეთ;
• მიღებული მასა შეიზილეთ ხელებზე 10 წუთით. შედეგად დაგირბილდებათ ნუნები, მოგშორდებათ უხეში კანი, მათ შორის კოჟრები და გაგიუმჯობესდებათ ხელის კანის მდგომარეობა.

თუკი ამ ნიღბით რეგულარულად, კვირაში ერთხელ ისარგებლებთ, თქვენ ნამდვილი არისტოკრატული ხელი გექნებათ. ხელის ნიღაბი შეგიძლიათ, მთლიან ხელზე, იდაყვამდე შეიზილოთ. ამგვარად ხელზე ამოსული თმის ფერი ნაკლებად უხეში და ღია ფერის გახდება. პროცედურის შემდეგ აუცილებლად წაისვით ხელზე მკვებავი კრემი. თუ ხელის კანის სიმშრალე გაქვთ, დაამატეთ ხელის კრემს რამდენიმე წვეთი ზეითუნის ზეთი.

ნიღაბი ხელის კანის სიმშრალისთვის

თუკი ხელზე კანი გძვრებათ და გეფრცქვნებათ, სპეციალისტები გირჩევენ, კვირაში ერთხელ გაიკეთოთ ყავის ნალექისგან მომზადებული ჯადოსნური პილინგი:

ყავის ნალექი - 1 ფინჯანის

მარილი - 1 ს/კ;

ნახევარი ლიმონის წვენი;

თაფლი - 1 ჩ/კ.

კეფირი - 1 ს/კ.

• ჩამოთვლილი პროდუქტები საგულდაგულოდ გადაურიეთ ერთმანეთში;
• შეიზილეთ ხელებზე 15 წუთით;
• როგორც კი ნიღაბს ხელიდან ჩამოიბანთ, შეიზილეთ რამდენიმე წვეთი ჩაის ხის ეთერზეთი ან ჩვეულებრივი ხელის მკვებავი კრემი.