საკვები, რომელიც ულტრაიისფერი სხივებისგან გვიცავს

ნუში - მრავალი კვლევა გვიჩვენებს, რომ E ვიტამინი იცავს კანს ულტრაიისფერი რადიაციისგან და აღადგენს კიდეც მას. E ვიტამინის ერთ-ერთი საუკეთესო წყაროა კი ნუში.

მზესუმზირა - ვიტამინი E მზესუმზირაშიც არის. აღსანიშნავია, რომ E ვიტამინი კანის უჯრედების დაბერების პროცესს ანელებს, რაც ვიტამინს კიდევ უფრო ღირებულს ხდის.

სტაფილო - ბეტა-კოროტინი, რომელსაც სტაფილო შეიცავს, უზრუნველყოფს კანის დაცვას დაზიანებისგან, რომელსაც მზის სხივების მოქმედებით თავისუფალი რადიკალები იწვევს. კორეელმა მკვლევარებმა გაარკვიეს, რომ ქალებმა, რომლებიც სამი თვის განმავლობაში ყოველდღე იღებდნენ ბეტა-კოროტინს 6 ცალი სტაფილოს სახით, კანის უჯრედების აღდგენის საუკეთესო დემონსტრირება მოახდინეს.

მარწყვი - კანის მზისგან დაცვის კიდევ ერთი საუკეთესო საშუალებაა მარწყვი. ეს პატარა წითელი ნაყოფი გაჯერებულია C ვიტამინით. მარწყვი ელაგოვის მჟავას შეიცავს, რომელიც თრგუნავს მზის სხივებით გამოწვეულ კანის პიგმენტაციას.
მარწყვში არის ფიტონუტრიენტები - მზისგან დამცავი ბუნებრივი ელემენტები. ფიტონუტრიენტებს, ასევე, წითელი ყურძენი შეიცავს. გარდა ამისა, წითელი ყურძენი კვერცეტინებს, პროანტოცინიდებისა და სხვა პოლიფენოლების შემცველია, რომლებიც კანის მზის სხივებისგან დაცვას უზრუნველყოფს. მიირთვით ყურძენი სახლიდან გასვლის წინ და თქვენ კანის უჯრედების შესაძლო დაზიანების ხარისხს შეამცირებთ.

მწვანე ფურცლოვანი ბოსტნეული - ისპანახი, კალეს კომბოსტო და სალათის ფურცლები - ლუტეინსა და ზეაქსატინს შეიცავს, რომლებიც გაჯერებულია მზისგან დამცავი კომპონენტებით. ამერიკელმა მკვლევარებმა დაადგინეს, რომ ეს ბოსტნეული ამცირებს კანის კიბოს რეციდივის რისკს პაციენტებისთვის, რომლებსაც ერთხელ უკვე ჰქონდათ ამ დაავადებასთან შეხება.

პომიდორი - პომიდორი შეიცავს ლიკოპინს, თავისუფალი რადიკალების გამანეიტრალებელს, რომელიც მზის ხანგრძლივად მოქმედების შედეგად წარმოიქმნება. ლიკოპინს, ასევე, მინიმუმამდე დაჰყავს ულტრაიისფერი სხივებით გამოწვეული ანთებითი დაზიანება. გერმანელმა მეცნიერებმა აღმოაჩინეს, რომ მეოთხედი ფინჯანი ზეითუნის ზეთიანი პომიდვრის პასტის მიღება 10 კვირის განმავლობაში ყოველდღე 35%-ით ამცირებს კანის სიწითლეს ულტრაიისფერი რადიაციის მოქმედებისას.

ბროწეული - მზისგან დაცვის საუკეთესო საშუალებაა ბროწეული, რომელიც მრავალი საუკუნის განმავლობაში ხალხურ მედიცინაში აქტიურად გამოიყენება. ვიტამინებისა და ანტიოქსიდანტების გარდა, ბროწეული ელაგოვის მჟავას შეიცავს. ტეხასის უნივერსიტეტის მეცნიერებმა გამოარკვიეს, რომ კვირაში 2-3 ბროწეულის ჭამა ამცირებს კანის უჯრედების სიკვდილს ულტრაიისფერი რადიაციის მოქმედებისას.