მაზოხიზმის ანატომია - რატომ სიამოვნებს ზოგ ადამიანს ტკივილი

2014 წელს 29 ქვეყნის 391 მოქალაქე გამოკითხეს. კითხვები ძირითადად, ტაბუდადებულ თემებს ეხებოდა. გამოკითხულთა ნახევარმა აღიარა, რომ ცხოვრებაში ერთხელ მაინც მიუღია მაზოხიზმის აქტში მონაწილეობა, ნახევარმა კი თქვა, რომ სადისტის როლი ერთხელ მაინც მოურგია.

კვლევის თანახმად, მაზოხისტებს შორის მამაკაცზე მეტი ქალია - 69% - 51%. სადისტებს შორის კი პირიქით, ძლიერი სქესის წარმომადგენლები ლიდერობენ - 45% 53%.

მეცნიერებს მიაჩნიათ, რომ ქალებში მაზოხიზმზე დამოკიდებულების მიზეზი არა ტკივილის სიყვარული, არამედ გენდერული სოციალიზაციაა. იგივე შეიძლება ითქვას სადისტური მიდრეკილებების მქონე მამაკაცებზე.

ტკივილი და სიამოვნება ერთმანეთთან ბიოლოგიის დონეზე დაკავშირებულია.

2011 წელს მეცნიერებმა მაგნიტურ-რეზონანსული ტომოგრაფიის გამოყენებით მასტრუბაციის პროცესში მყოფი ქალის ტვინი შეისწავლეს. როგორც აღმოჩნდა, ორგაზმის დროს ტვინის 30 ზონა აქტიურდება, მათ შორის ზოგი ტკივილის შეგრძნებაზეა პასუხისმგებელი.

კიდევ ერთი კვლევის შედეგად გაირკვა, რომ ონკოპაციენტებმა, რომლებსაც ქრონიკული ტკივილის შესამსუბუქებლად ზურგის ტვინის ზოგი უბანი დაუბლოკეს, ორგაზმის განცდის უნარი დაკარგეს. იმავე პაციენტებს ნერვული სისტემის ფუნქციების აღდგენისა და ტკივილის დაბრუნების შემდეგ სიამოვნების განცდის უნარიც აღუდგათ. ეს ფაქტები ადასტურებს, რომ ტკივილი და სიამოვნება ერთმანეთთან მჭიდრო კავშირშია არა მხოლოდ ფსიქოლოგიურ, არამედ ფიზიოლოგიურ დონეზეც.

ადამიანი ტკივილისგან სიამოვნებას მაშინ განიცდის, როდესაც ტვინი მას სიცოცხლისა და ჯანმრთელობისთვის უსაფრთხოდ აღიქვამს. ამ თეორიის მომხრეთა აზრით, ადამიანი ძალიან სწრაფად სწავლობს „უსაფრთხო“ ტკივილის „საშიშისგან“ გარჩევას.

თუ 10 წლის წინ ბდსმ (BDSM) ადამიანები გარყვნილ, ფსიქიკურად გაუწონასწორებელ ავადმყოფებად მიაჩნდათ, დღეს მეცნიერები აცხადებენ, რომ ისინი თავდაჯერებულები არიან და სხვებთან შედარებით ნევროზები ნაკლებად აწუხებთ.

ასე რომ, მთელ მსოფლიოში მაზოხიზმზე, როგორც დაავადებაზე აღარ საუბრობენ. ასეთი პრაქტიკა პათოლოგიურად მხოლოდ მაშინ ჩაითვლება, როცა სექსუალური თამაშები საფრთხე გადაიქცევა.

ამიტომ, უნდა გვახსოვდეს, რომ BDSM სამ ძირითად მოთხოვნას ემყარება: ნებაყოფლობითობა, გონივრულობა და უსაფრთხოება.

ასევე საინტერესოა:

რა იწვევს სექსის დროს სიკვდილს?

პენისის მოტეხილობისთვის საშიში სამი პოზა

როგორ გავაუმჯობესოთ მასტურბაციის ხარისხი