საზამთროს მურაბა დარიჩინით - გემო, რომელსაც შეიყვარებთ

საჭირო პროდუქტი:

• საზამთროს კანი - 1 კგ.
• სოდა - 1 ჩ.კ.
• ცივი წყალი - 1,5ლ.
• საზამთროს წვენი - 1 ლ.
• შაქარი - 700 გრ.
• დარიჩინის ჩხირი - 1 ცალი.

მომზადების წესი:

საზამთროს ქერქს შიდა, ვარდისფერი და გარე, მწვანე ფენა ბასრი დანით მოაჭერით, დარჩენილი თეთრი ფენა სასურველი ფორმის პატარა ნაჭრებად დაჭერით.

დაჭრილი ქერქი ჩაყარეთ ქვაბში, დაასხით წყალი, დაუმატეთ სოდა და კარგად მოურიეთ, რათა სოდა კარგად გაიხსნას. საზამთროს კანები სოდიან წყალში, სულ მცირე, 4 საათი უნდა დატოვოთ.

ეს დრო რომ გავა, სოდიანი წყლიდან ამოიღეთ საზამთროს ქერქის ნაჭრები და ცივი წყალი გადაავლეთ

ამის შემდეგ საზამთროს რბილობიდან წვენი გამოწურეთ, ჩაასხით ქვაბში, დაუმატეთ შაქარი, დარიჩინი და ერთი საათის განმავლობაში, დაბალ ცეცხლზე ადუღეთ. მერე კი ამ წვენში სოდიანი წყლიდან ამოღებული საზამთროს კანი ჩაყარეთ და 10 წუთის განმავლობაში, დაბალ ცეცხლზე ხარშეთ.

ამის შემდეგ ცეცხლი გამორთეთ და საზამთროს კანები დატოვეთ, სანამ მთლიანად არ გაგრილდება.

გაგრილებული კანები მეორედაც 10 წუთის განმავლობაში დაბალ ცეცხლზე ადუღეთ და ისევ სრულ გაგრილებამდე დატოვეთ.

გაგრილებული კანებს დაუმატეთ დარიჩინის ჩხირი, 1 ლიმონის ცედრა, 2-3 ცალი მიხაკის მარცვალი და მესამედაც 10 წუთის განმავლობაში, დაბალ ცეცხლზე ადუღეთ.

ამის შემდეგ დარიჩინი ამოიღეთ და ცხელ-ცხელი მურაბა წინასწარ გასტერილებულ ქილებში ჩაასხით, თავზე დაახურეთ და შეფუთეთ, სანამ ბოლომდე არ გაგრილდება.

გემრიელად მიირთვით!

აქვე წაიკითხეთ:

ქილების სტერილიზაცია ღუმელში

რას შეიცავს საზამთრო?

წყარო: www.hamisharafi.com