ქალაქი ლა-რინკონადა - მუდმივად დასახლებული, ყველაზე მაღალი ადგილი დედამიწაზე

ლა რინკონადაში ღამით ზაფხულშიც კი ყინავს. ამ ადგილზე ყველაზე თბილ თვეებშიც კი ტემპერატურა იშვიათად აღემატება +10 გრადუსს, ზამთარში კი მინუს 10-15 გრადუსამდე ეცემა. ასეთ სიმაღლეზე ჟანგბადის უკმარისობის გამო, ადამიანები ძალიან მალე იღლებიან. ბუნებრივია, ახალი ჩამოსულები აქ თავს კომფორტულად ვერ გრძნობენ.

უახლოესი დასახლებიდან ქალაქამდე ვიწრო ბილიკით მისვლას შეიძლება რამდენიმე დღე დასჭირდეს. ლა რინკონადაში არ არის ფოსტა და პოლიციის განყოფილება, არ არსებობს წყალი და კანალიზაცია.

ნაგავს, უბრალოდ, ქუჩაში ყრიან ან წვავენ. ცივილიზაციის ნიშნებიდან აქ მხოლოდ ელექტროენერგიაა, თუმცა ასეთი მძიმე საცხოვრებელი პირობების მიუხედავად, მოსახლეობის რაოდენობა სწრაფად იზრდება.

საქმე ის გახლავთ, რომ ადამიანებს ამ ადგილზე ოქრო იზიდავთ. მას შემდეგ, რაც ქალაქის ტერიტორიაზე ძვირფასი ლითონის საბადოები აღმოაჩინეს, ათასობით ადამიანი მზადაა, კარგი შემოსავლისთვის საშინელ საცხოვრებელ პირობებს შეეგუოს.

ლა რინკონადას მაღაროებში 200-მდე კერძო კომპანია მუშაობს. ყოველწლიურად მოპოვებული ოქროს რაოდენობა 2-დან 10 ტონამდეა.

მეშახტეთა ქალაქი რაღაცით ოქროს ციებ-ცხელების პერიოდის ამერიკის ან ავსტრალიის დასახლებებს წააგავს. ქალაქის ეკოლოგიური მდგომარეობაც უმძიმესია. ოქროს მოპოვების გამო გარშემო ყველაფერი უაღრესად ტოქსიკური ვერცხლისწყლითა და წარმოების სხვა ნარჩენებითაა მოწამლული.

ზემოთ თქმულის მიუხედავად, გამდიდრების მსურველთა რიცხვი ლა რინკონადაში ყოველწლიურად იზრდება. აქ საცოვრებლად მთელი ოჯახებით გადმოდიან. მოსახლეობა ბარაკების მსგავს, ლითონის კონსტრუქციებში ცხოვრობს. ერთადერთი ადგილი, სადაც ოთახის ქირაობა შეიძლება, საროსკიპოა.

ოქროს მაღაროებში ორიგინალური სახელფასო სისტემა მოქმედებს - მუშა თვის განმავლობაში უხელფასოდ მუშაობს და ანაზღაურების სანაცვლოდ თვის ბოლო დღეს მოპოვებული ოქრო წაიღოს.

ამ ქალაქების შესახებ იცით? 👇

რონდა - ქალაქი უფსკრულზე

უცნაური ქალაქი, სადაც მხოლოდ ერთი ქუჩაა

სად გაქრა პლანეტის ყველაზე მჭიდროდ დასახლებული ქალაქი?

წყარო: sometimes-interesting.com