რა საერთო აქვთ სენდვიჩსა და აზარტულ თამაშებს?
16:00 სამ. 5 ოქტომბერი, 2021 წელი
ევროპაში, განსაკუთრებით კი ბრიტანეთის დიდ ქალაქებში, სენდვიჩი კვების კულტურის ნაწილი გახდა. სენდვიჩი (ინგლ. Sandwich) შედგება პურის ან ფუნთუშის ორი ან მეტი ნაჭრისგან და რამდენიმე ფენა ხორცისა და სხვა სახის შიგთავსისგან.
ამბობენ, რომ სენდვიჩის არსებობას აზარტულ თამაშებს უნდა ვუმადლოდეთ.
1762 წელს გრაფი ჯონ მონტეგიუ, ბრიტანეთის საადმირალოს პირველი ლორდი და დიპლომატი, თავისდაუნებლიედ, ახალი საკვების გამომგონებელი გახდა.
ლორდი ცნობილი იყო აზარტული თამაშების მიმართ მისწრაფებებით, რაც უზარმაზარ დროსა და ენერგიას ართმევდა. ლორდი იმდენად ეფლობოდა ბანქოს თამაშში, რომ ხშირად ჭამა ავიწყდებოდა.
ერთხელ, მეგობრებთან ერთად, კრიბეჯს თამაშობდა. თამაში რამდენიმე საათს გაგრძელდა და მან ვერ გამონახა დრო საჭმელად. მონტეგიუმ სთხოვა მსახურს, მისთვის პურის ორ ნაჭერს შორის ჩადებული ხორცი მიეტანა, რათა ჭამაც მოეხერხებინა და ხელებიც არ დასვროდა.
ლორდის მეგობრებს ხორცის მირთმევის ეს ხერხი ძალიან მოსახერხებელი ეჩვენათ და თავადაც მოითხოვეს პური „სენდვიჩულად“.
აი, ასე გახდა მოდური „სირბილის დროს“ ჭამა.
🔰:
როგორ მიიღო შაურმამ მსოფლიო ფასტ-ფუდის რიგებში საპატიო ადგილი
როგორ შეიქმნა პოპულარული „ცეზარი“ და რა აკავშირებს სალათს რომაელ მხედართმთავართან?
პოკერში მოგებული პოლიტიკური სავარძლები
სიახლეები ამავე კატეგორიიდან
