2020 წლის ტოპ 5 მინისერიალი
16:00 ხუთ. 11 თებერვალი, 2021 წელი
Მეტი ამბავი, ვიდრე ფილმში და ნაკლებ მოსაწყენი, ვიდრე სერიალი - ეს მინისერიალები უპირატესობაა. სწორედ ესაა ის მიზეზები, რომელთა გამოც მინისერიალი ბოლო პერიოდში უფრო და უფრო პოპულარული ხდება. მმ ბლოგში 2020 წლის გამოირჩეულ მინისერიალებს გაგაცნობთ:
განადგურება/UNDOING
Ნიკოლ კიდმანისა და ჰიუ გრანტის კინო-წყვილი ნამდვილი საოცრებაა. სიუჟეტი კიდევ უფრო ამაღელვებელი. თუ ემოციების მოზღვევა და ფორიაქი მოგენატრათ, ეს 6-საათიანი სერიალი დანაკლისს აგინაზღაურებთ.
ბრიჯერტონი/BRIDGERTON
მოვლენები მე-19 საუკუნის ლონდონში ვითარდება. სიუჟეტის ცენტრში ძლიერი და გავლენიანი ბრიჯერტონების ოჯახის თვალით დანახულ მაღალი საზაგადოების სიმდიდრე, ღალატი და ვნებებია. სერიალის მთავარ გმირებს – გარდაცვლილი ვიკონტ ბრიჯერტონის შვილებს – ენტონის, ბენედიქტის, კოლონის, დაფნის, ელაიზას, ფრანჩესკას, გრეგორის და ჰიაკინთის, თავიანთ ცხოვრებაში და სიყვარულში ორიენტაციის სწავლა, ასევე ღალატის, აღზევების და დაცემის შეცნობა მოუწევთ.
ლაზიერის გამბიტი / THE QUEEN'S GAMBIT
ესაა სერიალი, რომელმაც მსოფლიო აალაპარა. მასზე ხშირად წერდა გამოცემა „გარდიანი“, „ვაშინგტონ პოსტი“ და ქართული მედიაც კი - სერიალში მიმდინარე ამბები განსაკუთრებით სენსიტიური ქართველებისთვის აღმოჩნდა, რომლებსაც ნამდვილი ლაზიერის დედოფალი - ნონა გაფრინდაშვილი გვყავს.
სიუჟეტი 8 წლის ობოლი გოგონას ირგვლივ ვითარდება. როცა პირველად თამაშობს ჭადრაკის პარტიას, ის გრძნობს, თუ როგორ ძლიერდება, როგორ აზროვნებს უკეთ და პირველად აცნობიერებს, რომ ცხოვრებაში ყველაფერს აკონტროლებს. 16 წლის ასაკში ის შეერთებული შტატების ღია ჩემპიონატში მიიღებს მონაწილეობას, თუმცა რაც უფრო მეტად მიიწევს პროფესიონალური წრისკენ, მით უფრო რთულდება ყველაფერი. სიუჟეტი დაფუძნებულია უოლტერ რევისის წიგნზე.
პატარა კოცონები/LITTLE FIRES EVERYWHERE
სერიალ „სკანდალის“ ვარსკვლავის კერი ვაშინგტონის გასაოცარი გარდასახვა ღარიბ ქალად და მუდამ იდეალური რიზ უიზერსპუნი - „პატარა კოცონები“ კიდევ ერთხელ დაგვაფიქრებს მატერიალური სიმდიდრით მოპოვებული ბედნიერების ამაოებაზე. ფილმი სელესტ ენ ჯის 2017 წლის ბესტსელერის მიხედვითაა გადაღებული, რომელშიც დიდი საიდუმლოებები, ხელოვნების არსი, პიროვნულობა და სასტიკი დედობრივი მიჯაჭვულობა ერთმანეთშია გადახლართული.
ჩვეულებრივი ადამიანები/NORMAL PEOPLE
სერიალში სხვადასხვა ფენის წარმომადგენელი ორი თინეიჯერის სიყვარულის ისტორიაა მოთხრობილი. ცხოვრებისეული სირთულეები და აკვიატებები, რასაც ისინი ურთიერთობისას წააწყდებიან, ჩვენი ყოველდღიურობის ნაწილიც არის, რითაც ეს სერიალი იმაზე ჩვეულებრივი ხდება, ვიდრე ჰოლივუდურ სცენარებს შეჩვეულებს წარმოგვიდგენია.
სიახლეები ამავე კატეგორიიდან