81 წელი ერთად - ყველაზე ხანგრძლივი ქორწინება მსოფლიოში

რონალდ და ჯოის ბონდებმა ერთმანეთი ბავშვობაში გაიცნეს და 1941 წელს დაქორწინდნენ. ამჟამად წყვილი მოხუცებულთა სახლში ცხოვრობს, მათი ქორწინება კი მსოფლიოში ყველაზე ხანგრძლივად ითვლება.

რონალდი ახლა 102 წლისაა, ჯოისი კი 100 წლის გახდა.

ბონდების ქალიშვილი ამბობს, რომ მისი მშობლები სხვადასხვა სოციალურ ფენას ეკუთვნოდნენ და ნათესავები ვარაუდობდნენ, რომ მათი კავშირი ხანმოკლე იქნებოდა.

ასაკის მიუხედავად, რონის და ჯოისს ნათელი გონება და შესანიშნავი მეხსიერება აქვთ. ისინი ერთმანეთს წუთითაც არ სცილდებიან და ახალგაზრდობის წლებს სიამოვნებით იხსენებენ.

როდესაც ხანგრძლივი ცოლქმრული ცხოვრების საიდუმლოს შესახებ ეკითხებიან, ქალბატონი ბონდი პასუხობს, რომ მათ ურთიერთობაში „არასდროს არსებობდა უფროსი და ქვეშევრდომი“.

„ჩვენს ურთიერთობებში უფროსი და ხელქვეითი არ არსებობს. ჩვენ ორივე გავცემთ და ვიღებთ. რა თქმა უნდა, ვერც კი ვიოცნებებდით, რომ 81 წელი ერთად ვიცხოვრებდით, მაგრამ ძალიან გაგვიმართლა. ზოგჯერ ცხოვრება ძალიან რთულია, მაგრამ ჩვენ ყველა სირთულეს ერთად ვებრძოდით. რვა ათწლეულის მანძილზე მე და ჩემს ქმარს ერთი წუთითაც არ შეგვიწყვეტია ერთმანეთზე ზრუნვა“, - თქვა ჯოისმა ერთ-ერთ ინტერვიუში.

მიუხედავად იმისა, რომ ორი შვილი, უამრავი შვილიშვილი და შვილთაშვილი ჰყავთ, 2013 წლიდან ბონდები მოხუცთა თავშესაფარში ცხოვრობენ, სადაც მათზე სამედიცინო პერსონალი ზრუნავს. წყვილს ყოველ კვირას ოჯახის წევრები და მეგობრები სტუმრობენ და დროს სასიამოვნოდ ატარებენ.

⭕⭕⭕

ქორწინების ნუმეროლოგია - გამოთვალეთ თქვენი წყვილის ბედნიერი ქორწინების რიცხვი

როგორ ეწყობიან ერთმანეთს ზოდიაქოს ნიშნები

ცნობილი წყვილების საქორწინო კონტრაქტები