ადამიანის ასაკი ადგილმდებარეობაზეა დამოკიდებული

ექსპერიმენტული მტკიცებულებები

ატომურმა საათებმა მეცნიერებს დედამიწის სხვადასხვა სიმაღლეზე დროში მიკროსკოპული სხვაობების გაზომვის საშუალება მისცა:

2010 წელს, NIST-ის მეცნიერებმა (სტანდარტებისა და ტექნოლოგიების ეროვნული ინსტიტუტი) დროში სხვაობა სულ რაღაც 33 სანტიმეტრის სიმაღლეზეც კი დააფიქსირეს. მათ დაამტკიცეს, რომ რაც უფრო მაღლა დგახართ, მით უფრო სწრაფად ბერდებით.

2022 წელს, JILA-ს მკვლევრებმა (გაერთიანებული ასტროფიზიკის ლაბორატორიების ინსტიტუტი) სხვაობა მილიმეტრიან დაშორებაზეც კი გაზომეს.

როგორ მოქმედებს ეს პრაქტიკაში?

თუ წლებს ან ათწლეულებს ჩელენჯერის ღრმულში გაატარებთ (დედამიწის ყველაზე (ჯერჯერობით) ღრმა ადგილი (10.898-10.928 კმ.), რომელიც მდებარეობს წყნარ ოკეანეში, მარიანას ღრმულის სამხრეთ ნაწილში), ოდნავ უფრო ნელა დაბერდებით, ვიდრე ზღვის დონეზე მყოფი ადამიანი, რადგან იქ გრავიტაცია უფრო ძლიერია.

მეორე მხრივ, ევერესტის მწვერვალზე ან მთვარის ზედაპირზე, სუსტი გრავიტაციის გამო, დრო უფრო სწრაფად გადის. შესაბამისად: ევერესტზე გატარებული 30 წელი თქვენს ასაკს დაახლოებით 0.91 მილიწამს დაუმატებს.

ხოლო იგივე დრო მკვდარი ზღვის სანაპიროზე (ხმელეთის ყველაზე დაბალი წერტილი) თქვენს ასაკს წამის, დაახლოებით, 44 მილიარდედს დააკლებს.

მიუხედავად იმისა, რომ ეს სხვაობა ყოველდღიურ ცხოვრებაში უმნიშვნელოა, ის რეალური და კრიტიკულად აუცილებელია იმ სფეროებისთვის, რომლებიც ზუსტ გაზომვებს მოითხოვს. მას იყენებენ გეოდეზიაში, გეოფიზიკაში და, რაც ყველაზე მთავარია, GPS სისტემების სიზუსტის უზრუნველსაყოფად.

***

რომელია თქვენი ზოდიაქოს ნიშნისთვის მნიშვნელოვანი ასაკი

ტესტი - გაარკვიეთ თქვენი მენტალური ასაკი

6 შეცდომა, რომელსაც სიბერეში აუცილებლად ინანებთ