ჰავაიზე ლუდის მდინარე აღმოაჩინეს

მდინარესთან სათევზაოდ მისულ ოაჰუელ ახალგაზრდებს სპირტის მძაფრი სუნი ეცათ. ახალგაზრდებმა წყლის სინჯების ასაღებად ადგილობრივ ეკოლოგს - კეროლ კოქსს მიმართეს. მან, თავის მხრივ, მოთხოვნა შტატის ჯანდაცვის დეპარტამენტში გააგზავნა.

ამის შემდეგ სოფელში მობილური ლაბორატორია გამოცხადდა, რომელმაც წყლის სინჯების შესწავლის შემდეგ უცნაური, მაგრამ საკმაოდ მოსალოდნელი დასკვნა გააკეთა. წყალში სპირტის შემცველობა 1,2 გრადუსი აღმოჩნდა, რაც ლუდში სპირტის შემცველობაზე ნაკლებია, მაგრამ 3-ჯერ მეტია, ვიდრე ბურახში.

ეს წარმოუდგენელი აღმოჩენა უამრავ ტურისტს მიიზიდავდა, რომ არა მეცნიერები... მათ სპირტის შემცველი მდინარის ფენომენის შესწავლა დაიწყეს და აღმოჩნდა, რომ მდინარის ზედა ნაწილში ჰავაის ყველაზე დიდი ლუდსახარში Paradise Beverages მდებარეობს.

სავარაუდოდ, საწარმოში გაჟონვა მოხდა და ლუდი მდინარეში აღმოჩნდა. მომხდარის მიზეზების გასარკვევად, ქარხანაში გამოძიება დაიწყო.

ესეც საინტერესოა ლუდის მოყვარულებისთვის 👇

ლუდის ცუნამი ლონდონში, რომელმაც რვა ადამიანი იმსხვერპლა

ლუდის აკვარიუმი - უცნაური და არცთუ უსაფრთხო შეჯიბრი

პიცა, ლუდი და ელ-ფოსტა: რაზე ფიქრობენ პორნოვარსკვლავები გადაღების პროცესში