ლუდი, რომელიც შეგიძლიათ ჭამოთ

fun time

14:00 სამ. 7 მარტი, 2023 წელი

დაკოპირებულია

2012 წელს, ამ პროდუქტის გამოჩენამ იტალიაში დიდი ხმაური გამოიწვია. „Birra Spalmabile“ - იტალიური შოკოლადის მწარმოებლისა და ლუდსახარშის მფლობელის მიერ შექმნილი ერთობლივი პროდუქტია.

„Birra Spalmabile“-ს სვიისგან დამზადებული ლუდის გემო აქვს, მაგრამ ჩვეულებრივი ლუდისგან განსხვავებით, მისი პურზე წასმა შეიძლება და თანაც, ალკოჰოლს არ შეიცავს.

„მშრალი ლუდით“ ბევრი გემრიელი კერძის მომზადება შეგიძლიათ. მაგალითად, ის ძალიან უხდება შემწვარ ყველს, ხორცს, ძეხვს და არაქისის კარაქიან სენდვიჩსაც კი.

სხვათა შორის, აშშ-ში ლუდის ჟელეც კი იყიდება.
ვერმონტის შტატში მცხოვრებმა ყოფილმა არქეოლოგმა ნენსი უორნერმა საყვარელი სასმელი ჟელედ აქცია და სახელიც გაითქვა. ქალს უჩვეულო იდეა სრულიად შემთხვევით მოუვიდა თავში. თავიდან ეს მხოლოდ ჰობი იყო, მაგრამ ექსპერიმენტის დროს ნენსიმ ისეთი გემრიელი პროდუქტი შექმნა, რომ ახლა კვირაში 3000 ქილა ლუდის ჟელეს ყიდის. ამასთან, მთელი ალკოჰოლი მომზადების პროცესში ორთქლდება.