მამაკაცებს ჯანმრთელობისთვის ტირილი სჭირდებათ!
16:33 შაბ. 10 იანვარი
მეცნიერულად დადასტურებულია, რომ ემოციების გამოხატვა ჯანმრთელობისთვის სასარგებლოა. უფრო მეტი, ლანკასტერისა და მინესოტას უნივერსიტეტების მკვლევრებმა დაასკვნეს, რომ „მტირალები“ თავს გაცილებით მხნედ და ჯანმრთელად გრძნობენ, ვიდრე თავშეკავებული ადამიანები, რომლებიც საკუთარ ემოციებს ყველასგან მალავენ.
მეცნიერები ამტკიცებენ, რომ ემოციური განმუხტვა ადამიანების 90%-ის ჯანმრთელობას აუმჯობესებს. საქმე მხოლოდ ის არ არის, რომ ცრემლები მწუხარების შემსუბუქებაში გვეხმარება. ისინი ორგანიზმიდან სტრესის ჰორმონ კორტიზოლსაც გამოდევნიან, რომლის დაგროვებამ შეიძლება გულის შეტევა ან ათეროსკლეროზის განვითარება გამოიწვიოს.
დიახ, ტირილი სისუსტედ აღიქმება, სისუსტის დემონსტრირება კი სირცხვილად, ამიტომ მამაკაცის ცრემლებს საზოგადოება ხშირად უარყოფითად აღიქვამს, მაგრამ მეცნიერების თქმით, მამაკაცებმა, საზოგადოებრივ აზრზე მეტად, საკუთარ ჯანმრთელობაზე უნდა იზრუნონ.
ასე რომ, თუ ექსპერტებს დაუჯერებთ და საკუთარ თავს ცრემლების დაღვრის უფლებას მისცემთ, თქვენი სხეული ბევრად უკეთესად იგრძნობს თავს.
***
ხშირად ტირილი - ხასიათის თვისება თუ დიაგნოზი?
ხელჩაკიდებული მამაკაცები - უცნაური ინდური ტრადიცია
მამაკაცის ფიზიოგნომიკა - როგორ ამოვიცნოთ მოძალადე სახის ნაკვთებით?
სიახლეები ამავე კატეგორიიდან
