ტოპ 5 სერიალი ძლიერ ქალებზე

1. სკანდალი/SCANDAL (2012 წ. აშშ.)

თუ აპირებთ, თქვენი ცხოვრება პოლიტიკას დაუკავშიროთ, გაიცანით ოლივია პოუპი - ქალი გლადიატორი პიჯაკში. ადრე ის აშშ-ს პრეზიდენტზე მუშაობდა. შემდეგ ანტიკრიზისული სააგენტო შექმნა, რომლის მიზანია - გაუმკლავდეს და აღმოფხვრას მაღალჩინოსანი კლიენტების პრობლები, სანამ მათ საზოგადოება გაიგებს. როდესაც თქვენ 24 საათის განმავლობაში წყვეტთ სხვის პრობლემებს, არ გრჩებათ დრო საკუთარი თავისთვის და საკუთარი პრობლემებისთვის.

2. ბანქოს სახლი/HOUSE OF CARDS (2013 წ. აშშ.)

ყოველი წარმატებული კაცის უკან, ძლიერი ქალი დგას! - სწორედ ასეთი ქალია კლერი - შეუბრალებელი კონგრესმენის, ფრენსის ანდერვუდის ცოლი, თუმცა ის არ არის მხოლოდ ცოლი, მით უმეტეს - ერთგული ცოლი. ერთ დღესაც პირველი ლედი ამერიკის პრეზიდენტობას გადაწყვეტს. სერიალი არის სასტიკი პოლიტიკური დრამა, გაჟღლენთილი სიხარბით, სექსითა და სიყვარულით.

3. ენნი/ANNE WITH AN E (2017 წ. აშშ.)

პიროვნება ბავშვობიდან ყალიბდება. ენი ცამეტი წლის ობოლი გოგონაა. ის ბავშვთა თავშესაფარში ცხოვრობს, მაგრამ მისი ცხოვრება სრულიად იცვლება, როდესაც შეცდომით ახალ ოჯახში გაგზავნიან საცხოვრებლად, ასაკიან შინაბერასა და მის ძმასთან. მისი თავდაჯერებულობისა და მიზანსწრაფულობის ბევრ ზრდასრულ ქალს შეშურდება.

4. გრეის ანატომია/GREY'S ANATOMY (2005 წ. აშშ.)

ელენ პომპეოს მიერ შექმნილი პერსონაჟი ნამდვილი ტრაგედიების ბუკეტია. 16 სეზონისგან შემდგარი სერიალის თითო სეზონში ერთხელ მაინც აღმოჩნდება სიკვდილის პირას. უახლოესი ადამიანები კი ამ ბუკეტის ყვავილებივით ეცლებიან ხელიდან. მიუხედავად ამისა, ის მაინც ახერხებს იყოს წარმატებული ექიმი, კარგი ცოლი და დედა.

5. ეს ჩვენ ვართ/THIS IS US (2016 წ. აშშ)

ბეტი არც პრეზიდენტის საყვარელია, არც გავლენიანი პერსონა და არც კარიერისტი ექიმი. ის ჩვეულებრივი ქალია. ძლიერი ქალი, რომელიც ცხოვრების ყველაზე რთულ მომენტშიც კი ფიქრობს სამ შვილზე და ცდილობს იყოს იდეალური დედა.