დეკემბრის მაგნიტური დღეები - კალენდარი თქვენი ჯანმრთელობისთვის

საკუთარ ჯანმრთელობას განსაკუთრებული ყურადღება უნდა მიაქციოთ ამ დღეებში:

• 7-10 დეკემბერი - მოსალოდნელია საშუალო ინტენსივობის მაგნიტური ქარიშხალი. გირჩევთ ამ დღეებში ფიზიკური დატვირთვისგან თავი შეიკავოთ. ეცადეთ ქოლესტერინით მდიდარი საკვების მიღება შეზღუდოთ;
• 15-17 დეკემბერი - მოსალოდნელია საშუალო ინტენსივობის მაგნიტური ქარიშხალი. ეცადეთ, სტრესულ სიტუაციებს ერიდოთ;
• 21-23 დეკემბერი - სუსტი ინტენსივობის მაგნიტური ქარიშხალი გველის. გირჩევთ, ძილის რეჟიმის მოიწესრიგოთ და მეტი დაისვენოთ;

მაგნიტური ქარიშხლების დროს ყველაზე გავრცელებული სიმპტომებია:

• თავის ტკივილი და თავბრუდახვევა
• გაღიზიანება და დეპრესიული განწყობა
• არტერიული წნევის ცვალებადობა
• ძილის დარღვევა
• სახსრების ტკივილი
• აპათია და შფოთვა
• ქრონიკული დაავადებების გამწვავება.

ინტენსივობიდან გამომდინარე, მაგნიტურმა ქარიშხალმა შეიძლება სრულიად ჯანმრთელ ადამიანზეც კი იმოქმედოს. ამის თავიდან ასაცილებლად, გირჩევთ, სახიფათო დღეებში ექიმების მარტივი რეკომენდაციები დაიცვათ:

დაიცავით ჯანსაღი ცხოვრების წესი - სწორად იკვებეთ და ივარჯიშეთ.

ნუ გადაიღლებით. მოიწესრიგეთ დასვენებისა და ძილის რეჟიმი.

დალიეთ ბევრი სუფთა წყალი და მცენარეული ჩაი.

მოერიდეთ ყავას და ალკოჰოლს.

შეეცადეთ თავიდან აიცილოთ სტრესი.

მოიმარაგეთ საჭირო მედიკამენტები.