სილამაზე/ჯანმრთელობა

მზესუმზირა ჯანმრთელობისთვის - კნატუნის მინუსები და პლუსები

fun time

14:00 ორშ. 5 ივლისი, 2021 წელი

მზესუმზირა
ჯანმრთელობისთვის

14
დაკოპირებულია

ბავშვობაში ხშირად გვაფრთხილებდნენ, ბევრმა „სემიჩკამ“ ბრმა ნაწლავის ატკიება იცისო... რა თქმა უნდა, მზესუმზირას აპენდიციტთან კავშირი არ აქვს, თუმცა კნატუნის მოყვარულებს რაღაც პრობლემები მართლაც ემუქრებათ. აქვე ისიც უნდა აღინიშნოს, რომ ამ მცენარეს ორგანიზმისთვის ბევრი სარგებელიც მოაქვს. ქვემოთ გთავაზობთ კნატუნის მინუსებსა და პლუსებს. თავად აწონ-დაწონეთ და ისე იმოქმედეთ.

⛔ პირველი და მთავარი პრობლემა, რომელიც მზესუმზირის კნატუნმა შეიძლება შეგვიქმნას, კბილების გაფუჭებაა. თუ მზესუმზირას კბილით არჩევთ, კბილის ემალის დაზიანების საფრთხე იქმნება, რაც შეიძლება კარიესით დასრულდეს.

⛔მზესუმზირა ასუქებს. 100 გ. მზესუმზირა 520 კკალ-ს შეიცავს, რაც იმას ნიშნავს, რომ:
0, 5 ჭიქა მზესუმზირა = 2 ულუფა მოხარშულ ბრინჯს ან ერთ ფილა შოკოლადს.
1 ჭიქა = ნახევარ ბატონ პურს ან ერთ ულუფა ღორის მწვადს.

⛔მზესუმზირის დიდი რაოდენობით მიღება აზიანებს ხმის იოგებს, ამიტომ მათი მოხმარება არ არის რეკომენდებული მომღერლებისთვის.

თუმცა ყველაფერი არც ისე ცუდადაა. თუ თქვენ ჯანმრთელი და მაგარი კბილები გაქვთ და არც ზედმეტი წონა გაწუხებთ, მზესუმზირა სარგებლის მეტს არაფერს მოგიტანთ:

✔️მზესუმზირა უჯერი ცხიმოვანი მჟავების ერთ-ერთი ყველაზე მდიდარი წყაროა. სწორედ ეს მჟავები აქვეითებს მავნე ქოლესტერინის დონეს სისხლში და იცავს გულსა და სისხლძარღვებს.

✔️ამას გარდა, მზესუმზირაში არის:

  1. ვიტამინი Е – იცავს ნაადრევი ნაოჭებისა და გულის შეტევისგან.
  2. ვიტამინი А – მნიშვნელოვანია კანისა და მხედველობისთვის.
  3. В ჯგუფის ვიტამინები – მათ გარეშე დეპრესიისა და უძილობის მსხვერპლნი ვიქნებოდით, გამუდმებით ვიწუწუნებდით, შეგვაწუხებდა მუწუკები და ქერტლი.
  4. ვიტამინი D – აუცილებელია ძვლების სიძლიერისა და ორგანიზმის მიერ კალციუმის შეთვისებისთვის.
  5. თუთია – მნიშვნელოვანია სახის კანისთვის, ჯანსაღი თმისა და ფრჩხილებისთვის, ძლიერი იმუნიტეტისთვის.
  6. მაგნიუმი – აუცილებელია გულისა და ნერვული სისტემის გამართული მუშაობისთვის, ხელს უწყობს კუნთების განვითარებასა და არტერიული წნევის ნორმალიზებას.

✔️ფსიქოლოგები მზესუმზირის კნატუნს ურჩევენ მათ, ვისაც სიგარეტისთვის თავის დანებება სურთ. როგორც ამბობენ, კბილით გარჩევის პროცესი ანელებს სიგარეტისადმი ლტოლვას.

მზესუმზირის მოყვარულებმა უნდა იცოდნენ, რომ მოხალვის პროცესში სასარგებლო ნივთიერებების დიდი ნაწილი იკარგება. ამიტომ უმჯობესია, თუ, უბრალოდ, ოდნავ გამოვაშობთ და არ მოვხალავთ.




სიახლეები ამავე კატეგორიიდან

თუთა - დღეგრძელობის კენკრა, რომელიც...

თუთა - დღეგრძელობის კენკრა

უსაფრთხოა თუ არა საკვები, რომელსაც...

უსაფრთხოა თუ არა საკვები,
რომელსაც ბუზი დააჯდა?

იცით, რომ ავოკადოს კურკა ნაყოფზე უფ...

ავოკადოს მიღების წესი

რატომ არ უნდა გეძინოთ ერთდროულად ორ...

რატომ არ უნდა გეძინოთ
ერთდროულად ორ ბალიშზე?

ახალი კვლევა - საუბრისას Loudspeake...

ყურსასმენები ტელეფონის
მავნე ზემოქმედებას
ამცირებს

კურკუმა გასახდომად - ინდური სანელებ...

კურკუმა ყავაში

როგორ მოქმედებს გულის მუშაობაზე გაზ...

გულის მუშაობა გაზაფხულზე

რა უნდა შედიოდეს გაზაფხულის რაციონშ...

რა უნდა შედიოდეს
გაზაფხულის რაციონში

მიწავაშლას სასარგებლო თვისებები - რ...

მიწავაშლას სასარგებლო
თვისებებ