რა ზიანი და სარგებელი მოაქვს კონდიციონერს ადამიანის ჯანმრთელობისთვის?

როგორც ირკვევა, სწორად გამოიყენების შემთხვევაში კონდიციონერი სრულიად უსაფრთხო და პირიქით, სასარგებლოა, მაგრამ ბევრი ადამიანი ამ მოთხოვნას უგულებელყოფს, რასაც შეიძლება სხვადასხვა დაავადების განვითარება მოჰყვეს.

ლოურენს ბერკლის ეროვნული ლაბორატორიის ანგარიშში ვკითხულობთ, რომ ადამიანები, რომლებიც კონდიცირებულ ოფისებში მუშაობენ, ჯანმრთელობას სხვებზე ხშირად უჩივიან. მათ უმეტესობას თვალების გაღიზიანება, ხველა, სუნთქვის გაძნელება, ყელის სიმშრალე და თავის ტკივილი აწუხებს.

კვლევის ავტორი უილიამ ფისკი არ გამორიცხავს, ​​რომ ეს სიმპტომები კონდიციონერებიდან მომდინარე ტენიანობას უკავშირდება.

გარდა ამისა, მეცნიერის აზრით, ადამიანების მუშაობა ყველაზე ნაყოფიერია მხოლოდ „კომფორტულ“ ტემპერატურაში - დაახლოებით, 22 გრადუსზე და არა სიცხეში ან სიცივეში.

მეცნიერები აღნიშნავენ, რომ სწორად გამოყენების შემთხვევაში კონდიციონერს უამრავი სარგებლის მოტანა - თუნდაც ჰაერის გაფილტვრა შეუძლია.

დადგენილია, რომ კონდიციონერის გამოყენება გულ-სისხლძარღვთა დაავადებებთან დაკავშირებული სიკვდილიანობისა და ჰოსპიტალიზაციის რისკს მნიშვნელოვნად ამცირებს.

იმისათვის, რომ კონდიციონერმა ზიანი არ მოგაყენოთ საჭიროა მისი რეგულარულად შემოწმება და რა თქმა უნდა, ფილტრის შეცვლა. ასევე უნდა აკონტროლოთ ჰაერი, რომ ჰაერი ძალიან არ გამოშრეს.

გირჩევთ კონდიციონერი დროდადრო გამორთოთ და ოთახი გაანიავოთ. არ დაგავიწყდეთ, რომ ოთახში პერიოდულად სველი წმენდა ჩაატაროთ.

ასევე საინტერესოა 👇

ბუშტულებიანი ცელოფანი კონდიციონერის ნაცვლად - აშშ-ში გამოცდილი პრაქტიკა

ჰაერის გაგრილება - რჩევები მათთვის, ვისაც კონდიციონერი არ აქვს ან არ უყვარს