როგორ დავიცვათ თავი აგვისტოს მაგნიტურ დღეებში?
22:23 სამ. 9 აგვისტო
ზოგჯერ უმიზეზო სისუსტეს, დაღლილობას და თავის ტკივილს ვგრძნობთ და წარმოდგენა არ გვაქვს, რომ ეს მაგნიტური ქარიშხლების „დამსახურებით“ ხდება. ბუნების ჭირვეულობამ რომ გეგმების შეცვლა არ გვაიძულოს, სასურველია გეომაგნიტურ რყევებს მომზადებულები დავხვდეთ.
აგვისტოს პირველივე დღეს უმნიშვნელო მაგნიტური ქარიშხალი დაფიქსირდა. 2 და 3 აგვისტოს გეომაგნიტური ველის მცირე რყევებიც შეუმჩნეველი იყო.
10 და 11 აგვისტოს მაგნიტური ქარიშხლის ინტენსივობა საშუალო დონემდე გაიზრდება. გირჩევთ, ამ დღეებში უარი თქვათ ალკოჰოლურ და მატონიზირებელ სასმელებზე, ცხიმიან საკვებზე და მავნე ჩვევებზე.
16-დან 22 აგვისტომდე ძლიერი მაგნიტური ქარიშხალი გველის. ეცადეთ, ამ დღეებში გადაღლას და მძიმე ფიზიკური სამუშაოს შესრულებას მოერიდოთ.
29 აგვისტო მზის მცირე აქტივობაა მოსალოდნელია, მაგრამ მთავარია სხეულიდან მომდინარე სიგნალებს მეტი ყურადღება მიაქციოთ. თუ თავს შეუძლოდ იგრძნობთ, დაუყოვნებლივ მიიღეთ ზომები უსიამოვნო სიმპტომების აღმოსაფხვრელად.
გახსოვდეთ, რომ საშუალო და მაღალი ინტენსივობის მაგნიტური ქარიშხლების დროს, უპირველეს ყოვლისა, კვება უნდა აკონტროლოთ და ალკოჰოლზე უარი თქვათ.
სრულყოფილი ძილი, სუფთა ჰაერზე სეირნობა და კონტრასტული შხაპი გეომაგნიტური რყევებით გამოწვეული უარყოფითი შედეგების თავიდან აცილებაში დაგეხმარებათ.
სიახლეები ამავე კატეგორიიდან
