სახის იოგა - დღეში 10 წუთი და დაივიწყეთ ბოტოქსი!
14:00 ოთხ. 16 თებერვალი, 2022 წელი
![სახის იოგა სახის იოგა](/files/2022/02/16/6736/sakhis-ioga_w_h.jpeg)
აქ არ დაგჭირდებათ არანაირი კატის ან ვეფხვის პოზა, თუმცა იოგას პრინციპი შენარჩუნებულია, მარტივად შესასრულებელია და მოკლე დროში დიდი ეფექტი აქვს, - გვარწმუნებენ byrdie-ს ავტორები.
ამ მეთოდიკის შემქმნელი იაპონელი ფუმიკო ტაკაცუ ამბობს, რომ ყოველდღიური ვარჯიშით ერთ კვირაშივე დაინახავთ, როგორ გადაგეჭიმებათ და ტონუსში მოვა თქვენი სახის კანი.
სულ 4 ვარჯიშია:
1. შუბლის დაუთოება - აკუპუნქტურის პრინციპით ხსნის დაძაბულობას და აფერხებს ნაოჭების გაჩენას!
ინსტრუქცია:
ორივე ხელი მუშტებად შეკარით. შუა და საჩვენებელი თითების შუა ფალანგის ძვლები შუბლის ცენტრში მოაქციეთ და დააწექით;
დაწოლით ნელ-ნელა გააცურეთ მუშტები შუბლის კიდეებისკენ;
ბოლოს მსუბუქი დაწოლით დაამთავრეთ საფეთქლებზე;
გაიმეორეთ 4-ჯერ.
2. კისრის გაჭიმვა - იჭიმება კისერი და ხელს უშლის ღაბაბის წარმოქმნას.
ინსტრუქცია:
ტუჩები გვერდით გასწიეთ მაქსიმალურად, ისე რომ ლოყებში დაჭიმულობა იგრძნოთ;
იმავე მხარეს 45 გრადუსით მიაბრუნეთ კისერი. ამ დროს კისერიც უნდა დაგეჭიმოთ;
გააჩერეთ 3 წამი;
გაიმეორეთ მეორე მხარესაც.
3. სახის აჭიმვა - „აუთოებს“ ცხვირ-ტუჩის ნაოჭებს (ღიმილის ხაზებს), მაღლა სწევს თვალებსა და ლოყებს.
ინსტრუქცია:
ხელისგულები ღაწვებზე მიიდეთ;
დააწექით მაღლა და უკან:
პირით „ო“ წარმოთქვით. ქვედა ყბა მაქსიმალურად ჩაქაჩეთ ქვემოთ.
4. წარბების აჭიმვა - წარბების მოდუნებულ კანს აჭიმავს და ასევე „დააუთოებს“ ღიმილის ნაოჭებს;
ინსტრუქცია:
მხრები ჩამოუშვით. ერთი ხელი თავს ზემოთ გადაიტარეთ და თითების ბოლოებით წარბს შეეხეთ, ისე როგო რც ამ ფოტოზეა.
ამ ვარჯიშისთვის დიდი მნიშვნელობა ენიჭება თითების განლაგებას. ამიტომ გირჩევთ, სარკის წინ გააკეთოთ:
არათითი წარბის განაპირას უნდა დაადოთ, შუა თითი კი - საფეთქელზე. ვარჯიშის შესრულებისას თითები არ გაამოძრაოთ.
შემდეგ თითების მსუბუქი დაწოლით აჭიმეთ სახე ზემოთ და უკან;
შემდეგ თავი მხარზე ჩამოაგდეთ, ამ პოზაში ცოტა ხანს გაჩერდით;
ჰაერი ბოლომდე ამოისუნთქეთ, თან ენა გადმოყავით მაქსიმალურად;
იგივე გაიმეორეთ მეორე მხარესაც.
⭕⭕⭕
ჩინური მასაჟი - გასახდომი წერტილები
როგორ აღვადგინოთ „დაღლილი“ სახის კანი
წყარო: www.byrdie.com
სიახლეები ამავე კატეგორიიდან