დესერტი

ფრანგული ფენოვანი ცომი - მარტივი, უნივერსალური და გემრიელი

fun time

12:00 შაბ. 13 ნოემბერი, 2021 წელი

ფენოვანი ცომის რეცეპტი
14
დაკოპირებულია

უნივერსალური ფენოვანი ცომის რეცეპტი ექსკლუზიურად, „Funtime“-ის მკითხველებისთვის გაგვიზიარა ტექნოლოგმა ირინა გიქოშვილმა.
ამ რეცეპტით ფენოვანი ცომის მომზადებას ნებისმიერი, თუნდაც დამწყები დიასახლისი მარტივად მოახერხებს. 

ფენოვანი ცომის მომზადებისთვის საჭირო პროდუქტი:

  • ფქვილი - 1 კგ. უმაღლესი ხარისხის;
  • წყალი - ნახევარი ლიტრი;
  • მარილი - 20 გრამი.
  • ფენოვანი ცომისთვის განკუთვნილი მარგარინი - 250 -300 გრ. ოთახის ტემპერატურის.

ფენოვანი ცომის მომზადება:

ფრანგული ფენოვანი ცომისთვის ძალიან დიდი მნიშვნელობა აქვს, რა ხარისხის ნედლეულს ვიყენებთ: ფქვილი უნდა იყოს აუცილებლად უმაღლესი ხარისხის, მარგარინი კი - ფენოვანი ცომისთვის განკუთვნილი.

ფქვილის, მარილისა და წყლისგან მოზილეთ მაგარი ცომი და გაყავით ორ გუნდად.
თითოეული გუნდა გააბრტყელეთ, დაადეთ მარგარინი, გადაკეცეთ და ისევ გააბრტყელეთ.
ამ პროცესის დროს აუცილებლად უნდა დაიცვათ ტემპერატურული რეჟიმი.
ცომისა და მარგარინის ტემპერატურა ერთნაირი უნდა იყოს.

ცომის გაბრტყელებისა და გადაკეცვის პროცესი, მინიმუმ, ოთხჯერ მაინც უნდა გამეორდეს.
ყოველი დაფენოვნების შემდეგ ცომი მაცივარში (და არა საყინულეში!) ნახევარი საათით შეინახეთ.

მთლიანად, ფენოვანმა ცომმა მაცივარში, მინიმუმ, 2 საათი მაინც უნდა გაატაროს, თუმცა, საბოლოო დაფენოვნების შემდეგ შეგიძლიათ, მაცივარში მთელი ღამითაც დატოვოთ და მეორე დღეს გამოიყენოთ.

ცომის ხარისხი მნიშვნელოვნად არის დამოკიდებული ფენების რაოდენობაზე.
1 სმ. სისქის ფენოვან ცომში ფენების რაოდენობა 70-დან იწყება და შეიძლება 300-მდე ავიდეს.

გახსოვდეთ, რომ ხაჭაპურისთვის და ლობიანისთვის ფენოვანი ცომი, დაახლოებით 1 სმ. სისქეზე უნდა გააბრტყელოთ, კრემიანი მილაკების და „ნაპოლეონის“ ცომი კი - 2 სმ-ზე.

გემრიელად მიირთვით!


სიახლეები ამავე კატეგორიიდან

ჩვენი ჩურჩხელა და კიდევ 9 ქვეყნის ს...

ტურონი

ლიქიორის მომზადება ერთ დღეში

ლიქიორის რეცეპტი

საშობაო ორცხობილა - მარტივი რეცეპტი

საშობაო ორცხობილა

„დიპლომატი“ - შოკოლადისა და ვანილის...

სწრაფი დესერტი

ვაშლის ნამცხვარი ლიმონით - ნეტარება...

ვაშლის ნამცხვარი ლიმონით -
მარტივი რეცეპტი

„ზოლიანი ტორტი“ - დესერტი ცხობის გა...

ზოლიანი ტორტი

მანდარინის მურაბა - უძველესი რეცეპტ...

მანდარინის მურაბა

მთელ-მთელი მსხლის მურაბა

მთელ-მთელი მსხლის მურაბა

ფეიხოას ჯემი - მოამზადეთ „ცოცხლად“!

ფეიხოას ჯემი ცოცხლად