საშობაო კექსი კონიაკით

საჭირო პროდუქტი:

ჩირის ასორტი - 500 გრ

კონიაკი - 150 მლ + 20 მლ. მზა ნამცხვრისთვის

კარაქი - 225 გ

შაქარი - 180 გ

კვერცხი - 4 ცალი.

ფქვილი - 300 გრ

გამაფხვიერებელი - 10 გრ

ვანილის შაქარი - 10 გრ

ეტაპობრივი მომზადების წესი:

1 ეტაპი

ხილის ჩირი კარგად გარეცხეთ და მსხვილად დაჭერით. დაჭრილი ჩირი მოათავსეთ მინის ჭურჭელში და კონიაკი დაასხით. ჭურჭელს თავი მჭიდროდ დახურეთ და 2 დღით დატოვეთ. ზოგჯერ შეანჯღრიეთ.

2 ეტაპი

ჩირი კონიაკიდან ამოიღეთ და ქაღალდის ხელსახოცზე მოათავსეთ, რომ გაშრეს. კარაქი და კვერცხი მაცივრიდან გამოიღეთ. კარაქი პატარა კუბიკებად დაჭერით, მიქსერის თასში გადაიტანეთ და ოთახის ტემპერატურაზე დატოვეთ.

3 ეტაპი

კარაქი შაქართან ერთად ათქვიფეთ ერთგვაროვანი მასის მიღებამდე. ამის შემდეგ კვერცხები სათითაოდ დაუმატეთ და არგად ათქვიფეთ. დაუმატეთ 250 გრ გაცრილ ფქვილთან არეული გამაფხვიერებელი და ვანილის შაქრით და ცომი მოზილეთ.

4 ეტაპი

ჩირი 50 გრ ფქვილში აურიეთ და ცომს დაამატეთ. ამის შემდეგ ცომს ნიჩბით კიდევ ერთხელ მოურიეთ. საცხობ ფორმას ნებისმიერი ცხიმი წაუსვით და საცხობი ქაღალდი ჩაუფინეთ.

5 ეტაპი

გააცხელეთ ღუმელი 150 ° C- მდე. ჩაასხით ცომი ფორმაში და ღუმელში შედგით. ცხობას დაახლოებით, 1,5 საათი დასჭირდება. კექსის მზადყოფნა ხის წკირით გასინჯეთ.

6 ეტაპი

მზა ნამცხვარი გააცივეთ და კონიაკით დანამეთ. 15 წუთის შემდეგ კექსს საცხობი ქაღალდი შემოახვიეთ და ქვაბში ჩადეთ, რომელსაც თავსახური მჭიდროდ ეხურება. ერთი დღე შეინახეთ და შემდეგ დაჭერით.

გემრიელად მიირთვით!