შოკოლადის ლავა - 20 წუთში მოამზადებთ!

საჭირო პროდუქტი 8 პორციისთვის:

შოკოლადი - 200 გრ

კარაქი - 160 გრ

კვერცხი - 4 ცალი

შაქარი - 120 გრ

ფქვილი - 100 გრ

კაკაო - 20-30 გრ., გასაფორმებლად.

მომზადების წესი:

1. შავი შოკოლადი დატეხეთ და, 150 გრამ კარაქთან ერთად, წყლის აბაზანაზე გაადნეთ. პერიოდულად აურიეთ, რომ ერთგვაროვანი მასა მიიღოთ; (ცოტა კარაქი მოიტოვეთ ფორმების კედლებზე წასასმელად).

2. სანამ შოკოლადი დნება, თავად შეგიძლიათ ფორმები მოამზადოთ (შეგიძლიათ მრგვალი კექსის ფორმები გამოიყენოთ). თითოეულ ფორმას შიდა მხრიდან დარბილებული კარაქი წაუსვით და კაკაო მოაფრქვიეთ;

3. საშუალო ზომის ჯამში ათქვიფეთ კვერცხი და შაქარი. ნელ-ნელა დაუმატეთ გაგრილებული გამდნარი შოკოლადი და გაცრილი ფქვილი. მასას კარგად მოურიეთ, სანამ ერთგვაროვანი არ გახდება (მიქსერი არ დაგჭირდებათ).

4. გადაიტანეთ ცომი ფორმებში და 2/3-ზე შეავსეთ. მაფინები გამოაცხვეთ 200 გრადუსამდე გახურებულ ღუმელში 10-12 წუთის განმავლობაში;

5. მზა მაფინები ოდნავ გააცივდეთ და ფრთხილად გადმოიღეთ თეფშზე. თავზე კაკაო მოაფრქვიეთ და სუფრასთან ცხელი მიიტანეთ - იდეალურია ნაყინთან ერთად.

გემრიელად მიირთვით!