მეცნიერებმა აღმოაჩინეს 5 ნიშანი, რომელიც მიუთითებს, რომ ადამიანი დღეგრძელი იქნება

ნიშნებზე, რომლებიც ადამიანის დღეგრძელობაზე მიუთითებენ, ჯერ კიდევ ძველ ინდურ და ჩინურ სამედიცინო ტრაქტატებში წერდნენ, თუმცა თანამედროვე კვლევებმა ეს სია მნიშვნელოვნად გააფართოვა...

ხელის ჩამორთმევა

„ხელის ჩამორთმევის დროს, ადამიანი ხელს რაც უფრო ძლიერად გვიჭერს, მით უფრო დიდხანს იცოცხლებს," - ამ სიტყვებით დაასრულეს ბრიტანელმა მეცნიერებმა კვლევა, რომელსაც 25 წლის განმავლობაში ატარებდნენ.

ხელის ძალა ტვინის მარჯვენა და მარცხენა ნახევარსფეროების აქტიური და სინქრონული მუშაობის მაჩვენებელია. სუსტი და დუნე ხელის მოჭერა ფსიქიკურ და გულ-სისხლძარღვთა პათოლოგიების არსებობაზე მიუთითებს.

ხელის მტევნის კუნთები დიდ სისხლძარღვებს უკავშირდება და მათი ელასტიკურობის დაქვეითება მაშინვე ხელის კუნთების ტონუსზე აისახება.

ამასთან, კუნთები ცილის მარაგის მთავარი საცავი და სისხლში შაქრის დონის ერთ-ერთი მთავარი მარეგულირებელია, ამიტომ გასაკვირი არ არის, რომ სუსტი ხელის ჩამორთმევა შეიძლება სხვადასხვა დაავადებაზე მიანიშნებდეს. ასეთ სიტუაციაში კი სიცოცხლის ხანგრძლივობაზე მსჯელობა რთულია.

ყურის ბიბილოები

ძველი ჩინელი მეცნიერები ყურის ბიბილოებს სიცოცხლის ხანგრძლივობისა და გულის ჯანმრთელობის ინდიკატორად თვლიდნენ.

ჩვენს წელთაღრიცხვამდე 1100 წელს შექმნილ სამედიცინო ტრაქტატში „იდუმალი არსის კანონი. სიცოცხლის ხანგრძლივობა“ ყურის ბიბილოს გულ-სისხლძარღვთა სისტემის სარკეს უწოდებენ, შესაბამისად, მასზე ნაკეცების გაჩენა დარღვევის მაჩვენებელია.

შანხაის ფუდანის უნივერსიტეტის მეცნიერთა კვლევამ უძველესი ტექსტების მართებულობა დაადასტურა - ყურის ბიბილოს კანი სისხლის მიმოქცევის უმცირესი ცვლილებების მიმართ უკიდურესად მგრძნობიარეა და ეს შეიძლება ერთგვარი რისკის მარკერად ჩაითვალოს მაღალი არტერიული წნევის, ათეროსკლეროზის, ინსულტის და გულის კორონარული დაავადების დროს.

საჭმლის მომნელებელი სისტემა

მეცნიერებმა დიდი ხნის წინ შენიშნეს, რომ ადამიანის ნაწლავის მიკროფლორასა და სიცოცხლის ხანგრძლივობას შორის მჭიდრო კავშირი არსებობს. კვლევებით დადგენილია, რომ დღეგრძელთა ნაწლავების მიკროფლორა დიდი რაოდენობით სასარგებლო ბაქტერიებს შეიცავს და მათი მრავალფეროვნება ასაკის მატების მიუხედავად, არ მცირდება.

ხალები

სხეულზე ხალების სიმრავლე ბევრს საგანგაშო ჰგონია და ამაში სიმართლის მარცვალი ნამდვილად არსებობს, მაგრამ სრულიად საპირისპიროზე მეტყველებს ამერიკელი გენეტიკოსების კვლევის შედეგები, რომლებიც 5 წლის წინ, ჟურნალში Cancer Epidemiology Biomarkers & Prevention გამოქვეყნდა.

კვლევის თანახმად, ხალების დიდი რაოდენობა დღეგრძელი წინაპრებისგან მემკვიდრეობით მიღებული გენეტიკური მექანიზმია, რომელიც უჯრედების სწრაფი დაბერებისგან იცავს. ამის ნიშანია ტელომერები, რომელთან სიგრძე ხალებიან ადამიანებში გაცილებით დიდია.

ოპტიმიზმი

ჩიკაგოს უნივერსიტეტის კოგნიტური ნეირომეცნიერების პროფესორმა ემილი როგალსკიმ რამდენიმე წლის წინ სამეცნიერო ჟურნალში თავისი კვლევის შედეგები გამოაქვეყნა.

ამ შედეგების თანახმად, ოპტიმიზმი დღეგრძელობის ერთ-ერთი მთავარი ნიშანია. უნარი, რომ ცხოვრებას მსუბუქად შეხედო და წვრილმანებით თავი არ შეაწუხო, ტვინში იშვიათი ღეროვანი ნეირონების არსებობის დამსახურებაა, რომლებიც ავსტრიელმა ნევროლოგმა აღმოაჩინა და მის სახელს ატარებს.

ეს ნეირონები აძლიერებენ კავშირებს ტვინის სხვადასხვა ნაწილებს შორის, ხელს უწყობენ მათი ნეიროპლასტიურობის შენარჩუნებას და იცავენ სხეულს დაბერებისგან.

ესეც საინტერესოა:

ვინ უფრო დიდხანს ცოცხლობს - ჭარბწონიანი თუ გამხდარი?

ზარმაცები მართლა დიდხანს ცოცხლობენ?

სკრაბი ნაწლავებისთვის - თაფლის და სელის თესლის კოქტეილი

რომელი დაავადების შესახებ გვაფრთხილებს ხელები?