რატომ არის პენტაგონში ნორმაზე ორჯერ მეტი ტუალეტი?

ვირჯინიის შტატში რასობრივი დაყოფის კანონი მოქმედებდა, რამაც პენტაგონის არქიტექტორს ჯორჯ ბერგსტრომს უამრავი პრობლემა შეუქმნა:

• თავდაპირველად არქიტექტორს თეთრკანიანი და ფერადკანიანი მუშებისთვის სხვადასხვა სასადილოს აშენება მოუწია. ამის მიუხედავად, მუშებს შორის ხშირი იყო კონფლიქტი. ისინი ხაზავდნენ ზოლებს, რომელზეც განსხვავებული რასის წარმომადგენლებს გადაბიჯება არ შეეძლოთ;
  
  
• შემდეგ სამხედროებმა არქიტექტორს უთხრეს, რომ ტუალეტების რაოდენობა, სანიტარიულ ნორმებთან შედარებით, უნდა გაეორმაგებინა, რათა თეთრკანიანებისთვის და ფერადკანიანებისთვის ცალ-ცალკე ყოფილიყო. ამან არქიტექტორი ბერგსტრომი ძალიან დააბნია, თუმცა მითითება შეასრულა.

არქიტექტორის ემოციები გასაგები იყო - ჯერ კიდევ 1941 წელს პრეზიდენტმა რუზველტმა ხელი მოაწერა ბრძანებას, რომელიც სახელმწიფო მოხელეებს შორის დისკრიმინაციას კრძალავდა.

სამხედროებმა თვითნებურად დაარღვიეს პრეზიდენტის ბრძანებულება და საპირფარეშოების გამოყოფა დაჟინებით მოითხოვეს, თუმცა წარწერების დამაგრება „მხოლოდ თეთრებისთვის“ ვერ მოახერხეს, რადგან 1942 წელს მშენებარე პენტაგონს რუზველტი, კომისიასთან ერთად, დაატყდა თავს და სამხედროებს თავისი ბრძანება შეახსენა.

1948 წლის შემდეგ, ამერიკაში ნებისმიერი სახის რასობრივი დაყოფა უკანონობად მიიჩნევა, თუმცა პენტაგონში საპირფარეშოების იმაზე ორჯერ მეტი რაოდენობა, ვიდრე სანიტარიული ნორმები მოითხოვს, დღემდე შემორჩა.

🔰:

ვინ იყო ქართველი პრინცი აშშ-ს დაზვერვაში

უცნაური კანონები აშშ-ს შტატებსა და ქალაქებში

რეიგანის წერილი შვილს