რატომ ასხამენ JP Chenet-ის ღვინოს მრუდე ბოთლებში?

ოფიციალური ვერსიით, ამ უჩვეულო შეფუთვის შექმნის იდეა ეკუთვნის მეწარმესა და ხელოვანს ჯოზეფ ჰელფრიჩს, რომელმაც დიზაინის დამკვიდრებული ტრადიციას თამამად აუარა გვერდი.

თუმცა, თუ ამ ორიგინალური ბოთლის შესახებ ერთი ლამაზი ლეგენდა არსებობს.

***

ამ ლეგენდის თანახმად, ჟან პოლ შენეს ღვინო საფრანგეთის მეფის, ლუი XIV-ის (მეფე - მზე) დროიდან ცნობილია, როგორც როგორც დახვეწილობის და კეთილშობილების სიმბოლო და მეფეთა არჩევანი.

Jean Paul Chenet-ის ბრენდის ღვინოებს მრუდე ყელიანი ბოთლებით ადვილად ამოიცნობთ. ბევრს ჰგონია, რომ ბოთლის მრუდე ყელი საწარმოო წუნია, მაგრამ ასე არ არის...

ღვინის შექმნის ისტორია მეფე ლუი XIV-ის დროიდან იწყება. ერთ დღეს ლუის სადილზე მრუდე ყელიანი ბოთლით წითელი ღვინო მიართვეს.

ღვინოს მშვენიერი გემო ჰქონდა, მაგრამ ბოთლის მრუდე ფორმა თვალშისაცემი გახლდათ. განრისხებულმა მეფემ სასახლის მეღვინე ჟან პოლ ჟენე თავისთან იხმო.

- ბოთლს რა სჭირს? - ჰკითხა ლუი XIV-მ თავდახრილ მეღვინეს და ბოთლზე მიუთითა.

- მანაც თაყვანის სცა თქვენი უდიდებულესობის ბრწყინვალებას! - არ დაიბნა მეღვინე.

- ჩაღრმავება რატომ აქვს? - არ ცხრებოდა მეფე.

- თქვენი ნაზი შეხებაც ხომ ტოვებს კვალს თქვენი ფრეილინების ულამაზესი კაბის კალთებზე?

მეფეს გაეცინა და თვალები აუწყლიანდა.

- მართლაც.. ამ ბოთლმა ჰერცოგ მორტემარის ქალიშვილის, ჩემი საყვარელი მარკიზას მოხდენილი რევერანსი გამახსენა, რომელიც ქმარს წავართვი.

მეფემ კარის მეღვინის დახვეწილი იუმორი ღირსეულად დააფასა და გულუხვად დააჯილდოვა.

***

ეს ამბავი, რა თქმა უნდა, ლეგენდაა. ლუი XIV 1638 — 1715 წლებში მეფობდა, ხოლო საფრანგეთში ბოთლის წარმოება 1723 წელს დაიწყეს. მანამდე ღვინოს კასრებით ყიდდნენ, ხოლო დუქნებში სტუმრებისთვის დოქებში ასხამდნენ.

ესეც საინტერესოა:

რატომ მშობიარობენ ქალები დაწოლილ მდგომარეობაში და რა კავშირი აქვს ამასთან ლუი XIV-ს

ლუი XIV დროიდან როგორ იქცა საფრანგეთი მსოფლიო მოდის დედაქალაქად

18 ფაქტი ღვინის შესახებ, რომელთა ცოდნა დალევამდე არ გაწყენდათ