როგორ მუშაობს ტუალეტი ევერესტზე

რაც უფრო ზევით ადის მთამსვლელების ჯგუფი, ტუალეტთან დაკავშირებული პრობლემები უფრო მწვავდება. მთამსვლელები ბანაკის სიახლოვეს კარავს შლიან, სადაც სპეციალური კასრი დგას. თუ მთამსვლელთა ჯგუფში ქალებიც არიან, მათთვის ცალკე კარავი კეთდება. ექსპედიციის შემდეგ სავსე კასრები სპეციალურ სამსახურს ჩამოაქვს.

7 000 მეტრის ზემოთ კასრები საჭირო აღარაა. ტუალეტის კარვებს პირდაპირ კლდის ნაპრალებზე დგამენ, რადგან ასეთი სიმაღლიდან კასრების ჩამოტანა შეუძლებელია.

კიდევ უფრო ზემოთ ასვლისას - ცნობისათვის, ევერესტის სიმაღლე 8848 მეტრია, ყველაზე მაღლი ბანაკი 7900 მეტრზე მდებარეობს. მთამსვლელები ციცაბო კლდეებზე ტუალეტის კარვებსაც კი ვერ დგამენ. ძლიერი ყინვის გამო ისინი, უბრალოდ, ცდილობენ, ღამით საძილე კარავს ძალიან არ მოცილდნენ და ბუნებრივი მოთხოვნილებების დასაკმაყოფილებლად უახლოეს ლოდს ან თოვლის ზვავს ეფარებიან.

როგორც მთამსვლელები ამბობენ, ექსპედიციის დაწყებამდე სპეციალური მედიკამენტების დალევა უწევთ, რათა ექსტრემალურ სიტუაციებს ფაღარათი არ დაემატოს. კლიმატურ პირობებთან ერთად, სიტუაციას ისიც ართულებს, რომ მთამსვლელს რამდენიმე კოსტიუმი აცვია და მათი გახდა გარკვეულ სირთულეებს უკავშირდება.

იცით თუ არა, ამის შესახებ 👇

რატომ დგას ჰოლანდიის დედაქალაქში ტუალეტები კედლების გარეშე?

რატომ არის პენტაგონში ნორმაზე ორჯერ მეტი ტუალეტი?

მომავლის ტუალეტი ბილ გეიტსისგან!