რომელი უკეთ რეცხავს - ფხვნილი, კაფსულა თუ გელი?

სარეცხი ფხვნილი

სარეცხი ფხვნილი მე-19 საუკუნის ბოლოდან გამოჩნდა. ეს მარტივი სარეცხი საშუალება იყო, თანამედროვე ფხვნილები და გრანულები სხვადასხვა დანამატებს და მათეთრებელ საშუალებებსაც შეიცავენ. ითვლება, რომ ყველაზე კარგად 60-90 გრადუსზე რეცხავს.

ფხვნილის დადებითი მხარეები:

• • გამოიყენება ტანსაცმლის დალბობის, ხელით და მანქანით რეცხვისთვის;
  • კარგად რეცხავს თეთრეულს;
  • ამოჰყავს სხვადასხვა ინტენსივობის ლაქები.

ფხვნილის უარყოფითი მხარეები:

• • მაღალ ტემპერატურაზე რეცხვისას სარეცხის მანქანაში ნალექის სახით გროვდება.
  • დაზიანებული შეფუთვის შემთხვევაში შეიძლება დანესტიანდეს.
  • შეიძლება ალერგია გამოიწვიოს;
  • ზოგჯერ ქსოვილზე ზოლებს ტოვებს.

თხევადი სარეცხი გელი

თხევადი სარეცხი გელი ბოთლებით იყიდება. ის არ საჭიროებს სხვა სარეცხ საშუალებებთან შერევას და 30-40 გრადუსზეც მშვენივრად რეცხავს. ბევრი დიასახლისი აღნიშნავს, რომ ფხვნილთან შედარებით მისი გამოყენება უფრო მოსახერხებელია.

გელის დადებითი მხარეები:

• • შექმნილია სპეციალურად ავტომატური სარეცხი მანქანებისთვის;
  • ხელსაყრელია მატყლის, აბრეშუმის, სინთეტიკური ქსოვილისგან დამზადებული ტანსაცმლის ნაზი რეცხვისთვის;
  • პრაქტიკულად უსუნოა და არც ისე ალერგენული;
  • მოსახერხებელია შესანახად და გამოსაყენებლად.

გელის უარყოფითი მხარეები:

• • პრაქტიკულად არ გამოგადგებათ დალბობის და ხელით რეცხვისას.
  • თითქმის არ ამოჰყავს ძველი და დიდი ლაქები;
  • არ გამოდგება მაღალ ტემპერატურაზე რეცხვისთვის.

სარეცხი კაფსულები

კაფსულა სპეციალურ, წყალში ხსნად გარსში მოთავსებული სპეციალური სარეცხი გელია. აქვს ძლიერი, სპეციფიკური სუნი.

კაფსულების დადებითი მხარეები:

• • რაოდენობის გაზომვა არ გჭირდებათ, ყველაფერი უკვე დათვლილია - 1 კაფსულა - ერთი რეცხვა;
  • კაფსულას პირდაპირ სარეცხ მანქანაში ათავსებენ, რაც ნიშნავს, რომ დაუყოვნებლივ მუშაობას იწყებს;
  • ყველაზე რთულ და ღრმა ლაქებს ებრძვის.

სარეცხი კაფსულების უარყოფითი მხარეები:

• • არ გამოიყენება სარეცხის დალბობისა და ხელით რეცხვის დროს;
  • უფრო ძვირია, ვიდრე ფხვნილი და გელი;
  • კაფსულის გარსი მხოლოდ 60 გრადუსზე და უფრო მაღალ ტემპერატურაზე იხსნება.

დასკვნა:

კაფსულები ყველაზე ძვირია, მაგრამ ყველაზე კარგად უმკლავდებიან მძიმე ლაქებს;

გელი ფაქიზად რეცხავს დელიკატურ ქსოვილებს და არც ისე ჭუჭყიან ტანსაცმელს;

ფხვნილი კი უნივერსალურია.

გამოდის, რომ უფრო მოგებიანია სამივე პროდუქტის ყიდვა და თითოეულის გამოყენება სიტუაციის მიხედვით.

ესეც გამოგადგებათ 🔰

ფეხსაცმლის რეცხვა სარეცხ მანქანაში

სარეცხი საპნის 10 უჩვეულო სარგებელი

რატომ არის აუცილებელი ახალი ტანსაცმლის გარეცხვა?

რაში გამოგადგებათ კარტოფილის სახამებელი – 5 რჩევა ბებიებისგან