სასწრაფო დახმარება ნაბახუსევზე - ნივრის წვნიანი

ყველამ იცის, რომ ნაბახუსევის დროს წვნიანი განსაკუთრებით ეფექტურია:

• ა) ის დიდი რაოდენობით სითხეს შეიცავს და ორგანიზმს დეჰიდრატაციისგან იცავს;
• ბ) ბულიონი ცილებითა და ცხიმებით მდიდარია;
• გ) წვნიანების შემადგენლობა (ხორცი, ბოსტნეული, მარცვლეული) ტოქსინებისგან გათავისუფლებაში დაგეხმარებათ.

მაშ ასე, მოამზადეთ ნივრის წვნიანი:

საჭირო პროდუქტი:

• ხახვი - 1 თსვი
• ტკბილი წიწაკა - 1 ცალი
• ზეთი - 5 ს/კ
• კარტოფილი - 4 ცალი
• ქათმის ბულიონი - 1,5 ლიტრი ( შეგიძლიათ გალინა ბლანკათი ჩაანაცვლოთ)
• ნიორი - 10 კბილი
• ხმელი მაიორანი - 1 ჩ.კ (ორეგანოს გემოს წააგავს, ანუ უფრო გასაგები რომ იყოს - პიცის გემოს. იკითხეთ ქსელურ მარკეტებში)
• ხორბლის პური - 4 ნაჭერი
• ოხრახუში - 1 კონა
• გახეხილი ყველი - 100 გრ
• დაფქული შავი პილპილი და მარილი - გემოვნებით

მომზადების წესი:

ტაფაზე დასხით ზეთი და გააცხელეთ. პური პატარა ოთხკუთხედებად დაჭერით და აირღუმელში 7-10 წუთი გამოაცხვეთ.

ხახვი და ტკბილი წიწაკა წვრილად დაჭერით, კარტოფილი უფრო მოზრდილ ნაჭრებად. კარტოფილი ოდნავ შებრაწეთ.

ხახვი და ტკბილი წიწაკა ზეთზე დაყარეთ და 5 წუთის განმავლობაში შუშეთ. ნიორი დაჭყლიტეთ ან ხორცსაკეპ მანქანაში გაატარეთ, მარილი და მაიორანი დაუმატეთ და კარგად აურიეთ.

ქვაბში ჩაასხით ბულიონი და 10 წუთის განმავლობაში დაბალ ცეცხლზე ადუღეთ. შემდეგ ჩაყარეთ შებრაწული კარტოფილი, 2-3 წუთში დაამატეთ ნივრიანი ნაზავი და პილპილი გემოვნებით. წვნიანი ადუღებამდე მიიყვანეთ და ცეცხლიდან გადმოდგით.

შებრაწული პურის ნაჭრები თეფშზე დაყარეთ და წვნიანი დაასხით. მოაყარეთ გახეხილი ყველი და მწვანილი.

გემრიელად მიირთვით!

ესეც სინჯეთ 👇

ნაბახუსევზე გამოსვლა - რა საკვები აქვთ ამისთვის მსოფლიოს სხვადასხვა ქვეყანაში