როგორ მოვამზადოთ ბულიონის კუბი სახლის პირობებში?

ასე მომზადებული ბულიონის კუბი მაქსიმალურად ბუნებრივი და ჯანსაღია.

საჭირო პროდუქტი:

• ხახვი - 380 გრ.
• ნიახური - 130 გრ.
• სტაფილო - 230 გრ.
• პრასი - 125 გრ.
• ზეითუნის ზეთი - 40 გრ.
• სუფრის მარილი - 250 გრ.

მომზადების წესი:

ბოსტნეული კარგად გარეცხეთ, გააშრეთ, წვრილად დაჭერით და აწონეთ.

შემდეგ ტაფაზე, ზეითუნის ზეთში მოშუშეთ.

დაამატეთ მარილი (ბოსტნეულის წონის დაახლოებით ⅓) და კიდევ, დაახლოებით, 10 წუთის განმავლობაში შუშეთ, თან პერიოდულად ურიეთ.

სოუსი ბლენდერით ათქვიფეთ, ისევ ტაფაზე დააბრუნეთ და, დაახლოებით, 15 წუთის განმავლობაში შუშეთ, სანამ სითხე მთლიანად არ აორთქლდება. სანელებლები შეგიძლიათ საკუთარი გემოვნებით დაუმატოთ.

ნარევი ცეცხლიდან გადმოდგით და გააგრილეთ.

საცხობ ფორმაში დააფინეთ საცხობი ქაღალდი, ბოსტნეულის ნარევი გადაანაწილეთ და კარგად დატკეპნეთ. დააფარეთ საკვები ცელოფანი და საყინულეში 24 საათი დატოვეთ.

ბოსტნეულის ნარევი საყინულიდან გამოიღეთ, დაახლოებით, 30-გრამიან კუბებად დაჭერით და გამოყენებამდე ისევ საყინულეში, ჰერმეტულ კონტეინერში შეინახეთ.

ბულიონის კუბები საყინულეში ექვს თვემდე ინახება. სადილის მომზადებისას 2 ლიტრ ცხელ წყალზე 1 კუბი დაგჭირდებათ.

გემრიელად მიირთვით!