ლეონარდო და ვინჩის ორი „ჯოკონდა“ და მსოფლიო ხელოვნების სხვა საიდუმლოებები

„მონა ლიზა“

საუკუნეების მანძილზე ბევრი მხატვარი ცდილობდა ლეონარდო და ვინჩის ცნობილი ნახატის ასლის შექმნას, მაგრამ ჯოკონდას ასლებს შორის ერთი განსაკუთრებულია. დიდი ხნის განმავლობაში მიიჩნეოდა, რომ „Isleworth Mona Lisa“ მონა ლიზას გვიანი ასლია, სანამ 2013 წელს, ციურიხის მონა ლიზას ფონდის თანამშრომლებმა არ დაასკვნეს, რომ ეს ჯოკონდას ადრეული ვერსიაა, რომელიც თავად და ვინჩის ეკუთვნის. აქვე აღვნიშნავთ, რომ ამ ვერსიას ბევრი მოწინააღმდეგე ჰყავს.

ეიფელის კოშკი

პარიზის მთავარი სიმბოლოს შემქმნელმა გუსტავ ეიფელმა კოშკის ზედა იარუსზე პატარა ბინა მოაწყო: მისაღები, სამზარეულო, აბაზანა და ორი საძინებელი. აქ არქიტექტორი ისვენებდა, პარიზის ხედით ტკბებოდა და სტუმრებს მასპინძლობდა. ახლა აქ მუზეუმია, სადაც შეგიძლიათ ეიფელის და მისი მეგობრის თომას ედისონის ცვილის ფიგურები ნახოთ, რომელიც აქაურობას დროდადრო სტუმრობდა.

დიდი სფინქსი

ქალაქ გიზასთან ახლოს მდებარე დიდი სფინქსი დედამიწაზე შემორჩენილი უძველესი ქანდაკებაა. თავდაპირველად ის ღია ფერის საღებავით იყო დაფარული, რომლის ფრაგმენტები ქანდაკების მარჯვენა ყურის უკან შემორჩა. გარდა ამისა, სფინქსს ცხვირი და წვერიც ჰქონდა (ფრაგმენტები ბრიტანეთისა და ეგვიპტის მუზეუმებში ინახება). ზოგიერთი ექსპერტი დარწმუნებულია, რომ ქანდაკებაზე ადამიანის სახე გაცილებით გვიან გამოიკვეთა. სავარაუდოდ, სფინქსს თავიდან ლომის ან ძაღლის თავი ჰქონდა, რასაც სხეულის პროპორციებთან შედარებით, პატარა თავიც ადასტურებს.

🔰:

„ჯოკონდას“ ქურდობა - როგორ შეცვალა ამ ფაქტმა მსოფლიო კრიმინალისტიკის განვითარება

ლეონარდო და ვინჩი საიდუმლო სერობა

საინტერესო ფაქტები ეიფელის კოშკზე