შემწვარი გოგრა ტაფაზე - კარტოფილივით!

3-4 ულუფისთვის საჭირო პროდუქტი:

• გოგრა - 500-600 გრამი;
• ნიორი - 1 დიდი თავი;
• ლიმონი - ნახევარი;
• კამა ან ოხრახუში;
• მწვანე სალათი;
• მარილი;
• მზესუმზირას ზეთი - შესაწვავად.

მომზადება:

გოგრა გაასუფთავეთ (თესლი და კანი მოაშორეთ) და დაჭერით პატარა ნაჭერბად;
ნიორი გაასუფთავეთ და თითო კბილი სიგრძეზე გაჭერით - 2-3 ნაჭრად;

გაცხელებულ ტაფაზე დაასხით ზეთი, დააყარეთ გოგრის ნაჭრები და საშუალო ცეცხლზე შეწვით 5-7 წუთის განმავლობაში;

შემდეგ დააყარეთ ნიორი, მარილი, კარგად ამოურიეთ, დაახურეთ ტაფას თავსახური და გააგრძელეთ წვა საშუალო ცეცხლზე. პერიოდულად აკურატულად ამოურიეთ ხოლმე;
როგორც წესი, გოგრის შეწვას 25-30 წუთი სჭირდება, თუ ძალიან დიდ ნაჭერბად არ დაჭრით;

როცა გოგრა მზად იქნება, თეფშზე დააწყვეთ მწვანე სალათის ფურცლები, ზედ გადმოიღეთ შემწვარი გოგრა, მოაჭერით მწვანილი და დააწურეთ ლიმონი;

სულ ეს არის.

შენიშვნა:

ნუ იფიქრებთ, რომ ერთი მთლიანი თავი ნიორი კერძს გაამწარებს. თერმული დამუშავებისას ნიორი სიმწარეს კარგავ და გოგრას ძალიან სასიამოვნო სპეციფიკურ გემოს აძლევს;

მწვანე სალათაც ძალიან უხდება ამ კერძს, თუმცა მის გარეშეც შეგიძლიათ მიირთვათ;

ასევე,შეგიძლიათ, თეფშზე გადმოღებულ კერძს თაფლი მოასხათ - თუ, რა თქმა უნდა, წონის მომატება არ გაშინებთ და თითოეულ კალორიას არ ითვლით.

გემრიელად მიირთვით!

ასევე, დაგაინტერესებთ:

გოგრის წვნიანი - უზბეკური რეცეპტი

გოგრა დიეტის დროს