გოგრის დიეტა - 4 დღე და მინუს 4 კილოგრამი

ამ დიეტის რაციონი საკმაოდ ნოყიერი და მრავალფეროვანია - გოგრისგან უამრავი სასარგებლო და გემრიელი კერძის მომზადება შეიძლება.

გოგრა საკმაოდ დაბალკალორიული პროდუქტია - 100 გრამი გოგრის გული, სულ რაღაც, 23 კკალ-ს შეიცავს. მისი მიღებით სტაბილურად დაიკლებთ წონაში და, რაც ყველაზე მთავარია, თუკი მკაცრად დაიცავთ ყველა რეკომენდაციას, ზედმეტი წონა უკან აღარ დაგიბრუნდებათ.

რა უნდა გაითვალისწინოთ დიეტის დროს:

• პირველ რიგში, სწორად უნდა აარჩიოთ გოგრა - სასურველია, მისი გული იყოს ყვითელი და არა - სტაფილოსფერი.
• თუკი საკვების მიღების შუალედში მოგშივდათ, მიირთვით მოხარშული გოგრა ან ვაშლი.
• სასურველია საუზმე, სადილი და ვახშამი მიირთვათ ერთსა და იმავე დროს.
• მაქსიმალური შედეგის მისაღებად არ ივახშმოთ 6 საათის შემდეგ.
• მოამზადეთ კერძები წინასწარ - ეს დიეტურ დღეებს შეგიმსუბუქებთ.
• დიეტის დროს შეამცირეთ მარილი, ამოიღეთ რაციონიდან შაქარი და გაზიანი სასმელები.
• არ დაგავიწყდეთ წყლის მიღება დღის მანძილზე.
• დიეტური კერძები შეგიძლიათ, მიირთვათ შეუზღუდავი რაოდენობით, მაგრამ მაინც გახსოვდეთ, რომ დიეტაზე ხართ.
• ნუ მიიღებთ კალორიულ საკვებს დიეტის დასრულებისთანავე.
• სასურველია, გოგრა დიეტური დღეების შემდეგაც დატოვოთ თქვენს რაციონში.

გოგრის დიეტის მენიუ:

პირველი დღე

საუზმე: გოგრის ფაფა - დაამზადეთ ბრინჯით ან შვრიის ფანტელებით. შეგიძლიათ დაუმატოთ უცხიმო რძე; გოგრის სალათი - შეგიძლიათ დაამზადოთ გოგრით და ვაშლით. ხოლო მის შესაზავებლად გამოიყენეთ უცხიმო იოგურტი ან ლიმონის წვენი. უშაქრო ჩაი ან ყავა;

სადილი: გოგრის წვნიანი;

ვახშამი: მოშუშული გოგრა.

მეორე დღე

საუზმე: გოგრის ფაფა და გოგრის სალათი;

სადილი: დიეტური წვნიანი და გოგრის კატლეტი;

ვახშამი: ვაშლი - ვაშლი შეგიძლიათ ღუმელში გამომცხვარიც მიირთვათ.

მესამე დღე

საუზმე: გოგრის ფაფა და გოგრის სალათი;

სადილი: ძროხის ხორცის გუფთა, დააყოლეთ რამდენიმე ნაჭერი გოგრა.

ვახშამი: გოგრის სალათი ანანასით.

მეოთხე დღე

საუზმე: გოგრის ფაფა და გოგრის სალათი;

სადილი: ბორში ან ბოსტნეულის წვნიანი და ღუმელში შემწვარი ბულგარული წიწაკა;

ვახშამი: ბოსტნეულის რაგუ გოგრით და მცენარეული ზეთით.

როგორც ნახეთ, დიეტა ხანმოკლეა და რაციონი საკმაოდ მრავალფეროვანი.
გოგრის შესაძენად კი ახლა ზუსტი სეზონია.

სცადეთ და გაგვიზიარეთ თქვენი შედეგი.

ასევე, სცადეთ 🔰:

ზარმაცების დიეტა

ზამთრის სწრაფი დიეტა

გასახდომი დიეტა - ზოდიაქოს ნიშნის მიხედვით