კვერცხი შოტლანდიურად - საუზმე ჯანსაღი კვების მოყვარულთათვის

თუკი ამ კერძს ღუმელში მოამზადებთ, კალორიულობას მინიმუმამდე დაიყვანთ.

მოსამზადებლად საჭირო პროდუქტი:

ღორის ან ძროხის ფარში - 600 გრ;
კვერცხი - 5 ცალი;
კარაქი - 50 გრ;
მარილი - გემოვნებით;
ოხრახუში, კამა, ქინძი - გემოვნებით;
ლიმონის წვენი - 1 ჩ/კ;
საფანელი - რამდენსაც კერძი მოითხოვს.

მომზადების წესი:

მოხარშეთ ოთხი კვერცხი (თუ გინდათ, რომ თოხლო იყოს, დაახლოებით 4 წუთი) და ჩააწყვეთ ცივ წყალში (კარგად რომ გაიფრცქვნას).
დარჩენილი ერთი კვერცხი პატარა ჯამში კარგად ათქვიფეთ (კატლეტების ამოსავლებად).
ფარშს დააყარეთ მარილი და წვრილად დაჭრილი მწვანილები.
გააკეთეთ ფარშისგან ოთხი ცალი ბურთულა, ისე, რომ თითო, დაახლოებით, 13 გრამს იწონიდეს.

გაფრცქვნილი კვერცხი მოათავსეთ ფარშის ბურთულაში და მიეცით მას კატლეტის ფორმა.
ამოავლეთ კატლეტი ჯერ ათქვეფილ კვერცხში, შემდეგ კი - საფანელში.

კატლეტის შესაწვავ ფორმაზე დააფინეთ ფოლგა, დააწყვეთ ზედ კატლეტები და შედგით 180 გრადუსზე გაცხელებულ ღუმელში 30 წუთით. სულ ეს არის.

შენიშვნა:
საფანელის ნაცვლად შეგიძლიათ, გატარებული ნიგოზი ან თხილი გამოიყენოთ.
კვერცხს შოტლანდიურად ძალიან უხდება ცხელი სოუსი:
პატარა ჯამში ათქვიფეთ კვერცხის გული, დაამატეთ 50 გრამი ზეთი, 3 სუფრის კოვზი წყალი, მარილი და პილპილი. ჯამი შედგით ცეცხლზე და მუდმივად ურიეთ, დაახლოებით, 5 წუთის განმავლობაში. მოასხით გამზადებულ კატლეტებს.

გემრიელად მიირთვით!