გამაგრილებელი სასმელები - 3 მარტივი რეცეპტი ზაფხულის ცხელი დღეებისთვის

მოცვი და ფორთოხალი

• დაჭრილი ფორთოხალი - 2 ცალი
• მოცვი - ნახ. ჭიქა
• შაქარი გემოვნებით
• ცივი წყალი
• ყინული

მომზადების წესი:

მოცვი დაჭყლიტეთ, დანარჩენ ინგრედიენტებთან ერთად აურიეთ და მაცივარში 2-4 საათით შედგით.

ესაა და ეს, მაცოცხლებელი სასმელი მზადაა.

კივი და კიტრი

• გახეხილი კივი - 6 ცალი
• გახეხილი კიტრი - 1 ცალი (დიდი ზომის)
• შაქარი გემოვნებით
• ცივი წყალი
• ყინული

მომზადების წესი:

ბლენდერით ათქვიფეთ კივი, კიტრი, შაქარი და 2 ჭიქა წყალი, ერთგვაროვანი მასის მიღებამდე.

შემდეგ ჭურჭელში ჩაასხით და კიდევ 4 ჭიქა წყალი დაამატეთ.

სუფრასთან მიტანისას ყინული და კივის ნაჭრები დაამატეთ.

მწვანე ჩაი ყინულით და გრეიფრუტით

• მწვანე ჩაი - 2 სუფრის კოვზი
• თაფლი - 12 ჩაის კოვზი
• 4 ცალი გრეიპფრუტის წვენი
• რამდენიმე პიტნის ფოთოლი
• ყინულის კუბიკები.

მომზადების წესი:

დააყენეთ მწვანე ჩაი, ოდნავ გააგრილეთ და გაწურეთ, შეურიეთ თაფლი და მაცივარში შედგით.

გრეიპფრუტი გაწურეთ და გააცივეთ.

როდესაც მწვანე ჩაი კარგად გაცივდება, მაცივრიდან გამოიღეთ და გრეიპფრუტის წვენი დაამატეთ.

სუფრასთან მიტანის წინ თითოეულ ჭიქაში ყინულის ნატეხები და პიტნის ფოთლები დაამატეთ.

გემრიელად მიირთვით!

ესეც დაგაინტერესებთ:

7 სასმელი, რომელიც თრომბის წარმოქმნის საფრთხეს აგაცილებთ

რატომ არის საშიში წამლისთვის ჩაის, ყავის ან გაზიანი სასმელის მიყოლება?