გამომცხვარი მსხალი ყველით - უგემრიელესი დესერტი ფქვილის გარეშე

საჭირო პროდუქტი:

• ნიორი - 1 კბილი
• მაგარი ყველი - 50 გრ.
• ჭყინტი ყველი - 70 გრ.
• ობიანი ყველი (სასურველია) - 80-100 გრ.
• მწიფე, მაგრამ მკვრივი მსხალი - 4 ცალი, მომცრო ზომის
• კარაქი - 20 გრ
• ნახევარი ლიმონის წვენი
• ცოტაოდენი ზეითუნის ზეთი და ძმარი ბალზამიკო
• მარილი და დაფქული შავი პილპილი გემოვნებით.

მომზადების წესი:

1. ნიორი დაჭყლიტეთ.

2. მაგარი ყველი გახეხეთ.

3. ნიორი, დაფშვნილი ჭყინტი ყველი, წვრილად დაჭრილი ობიანი ყველი, მარილი და პილპილი ერთმანეთში აურიეთ.

4. მსხალი შუაზე გაჭერით და კოვზით გული ამოუღეთ. ხილს ძირი ცოტა მოაჭერით, რომ ტაფაზე მყარად იდოს.

5. მსხალს ლიმონის წვენი მოასხით.

6. სქელძირიან ტაფაზე კარაქი გაადნეთ და მსხალი ორივე მხრიდან, 2 წუთის განმავლობაში შეწვით.

7. კერამიკის საცხობ ფორმაზე საცხობი ქაღალდი დააფინეთ და ზედ გადაიტანეთ შემწვარი მსხალი.

8. მსხლებს გულების ადგილას ყველის შიგთავსი ჩაულაგეთ და ღუმელში, 180°C-ზე 7-10 წუთის განმავლობაში აცხვეთ.

9. გამომცხვარი მსხლები თეფშებზე დაალაგეთ და ზეითუნის ზეთი და ძმარი ბალზამიკო მოაპკურეთ.

სულ ეს არის.

გემრიელად მიირთვით!

ასევე დაგაინტერესებთ:

10 დესერტი ცხობის გარეშე

მსხლის უკუჩვენება და სასარგებლო თვისებები

მთელ-მთელი მსხლის მურაბა