დესერტი

შავ ღვინოში მოხარშული ვაშლი, თხილითა და ნუშით

funtime

12:00 ოთხ. 16 ივნისი

ვაშლის დესერტი
14
დაკოპირებულია

ვაშლის დესერტის გემრიელი რეცეპტი შეფ-მზარეულ ალექსანდრე კოშკელოვისგან, ექსკლუზიურად „funtime“-ის მკითხველებისთვის:

გულსართისთვის საჭიროა:

ნუში - 20 გრ.
ქართული თხილი - 20 გრ.
ალუბლის ლიქიორი - 50 გრ.
შაქარი 1,5 ჩაის კოვზი.

გულსართის მომზადების წესი:

ნუში და თხილი წვრილად დაკეპეთ ან გაატარეთ და ტაფაზე მსუბუქად მოხალეთ.
მოხალვის პროცესში დააყარეთ შაქარი და დაასხით ლიქიორი.
ამ დროს ტაფას შესაძლოა, ცეცხლის ალი მოეკიდოს, მაგრამ არ შეგეშინდეთ. თხილიან მასას რამდენჯერმე კარგად მოურიეთ და ცეცხლიდან გადმოდგით.
თქვენ მიიღებთ გოზინაყის მსგავს, გემრიელ მასას.

ვაშლის სოუსისთვის საჭიროა:

მწვანე ვაშლი -1 ცალი
კარაქი - 50 გრ.
დარიჩინი - ჩაის კოვზის წვერზე
თაფლი - 2 სუფრის კოვზი
შავი ღვინო - 150 გრ.

ვაშლის სოუსის მომზადების წესი:

მწვანე ვაშლს მოაჭერით თავი და ჩაის კოვზის დახმარებით, ფრთხილად ამოუღეთ გული.
დაბალ ცეცხლზე დაადგით ქვაბი.
ქვაბი რომ გათბება, ჩააგდეთ კარაქის ნახევარი და ჩადეთ ვაშლი.
დაახლოებით, 2 წუთის შემდეგ ვაშლი ამოიღეთ და გულში ჩაუდეთ თხილისა და ნუშისგან მომზადებული გულსართი.
ვაშლი დააბრუნეთ ქვაბში, დაადეთ კარაქის მეორე ნახევარი და მოჭრილი თავი დაახურეთ.

ქვაბში ჩაასხით ღვინო, დაუმატეთ თაფლი, დარიჩინი და დაახურეთ თავსახური.
ვაშლი, დაახლოებით, 20-25 წუთის განმავლობაში, ძალიან დაბალ ცეცხლზე უნდა გამოაცხოთ.
სუფრაზე ცხელ-ცხელი უნდა მიიტანოთ და თავზე თავისივე, ღვინისა და თაფლის სოუსი მოასხათ.

შენიშვნა:
ვაშლის მოხარშვა (გამოცხობა) ჰაერღუმელშიც შესაძლებელია. ამ შემთხვევაში, ქვაბის ნაცვლად, ისეთი ჭურჭელი უნდა გამოიყენოთ, რომელსაც თავი მჭიდროდ დაეხურება.
ცეცხლის ალი ამ შემთხვევაშიც ძალიან დაბალი უნდა იყოს.

გემრიელად მიირთვით!


სიახლეები ამავე კატეგორიიდან

„დიპლომატი“ - შოკოლადისა და ვანილის...

სწრაფი დესერტი

ვაშლის ნამცხვარი ლიმონით - ნეტარება...

ვაშლის ნამცხვარი ლიმონით -
მარტივი რეცეპტი

„ზოლიანი ტორტი“ - დესერტი ცხობის გა...

ზოლიანი ტორტი

ფრანგული ფენოვანი ცომი - მარტივი, უ...

ფენოვანი ცომის რეცეპტი

მანდარინის მურაბა - უძველესი რეცეპტ...

მანდარინის მურაბა

მთელ-მთელი მსხლის მურაბა

მთელ-მთელი მსხლის მურაბა

ფეიხოას ჯემი - მოამზადეთ „ცოცხლად“!

ფეიხოას ჯემი ცოცხლად

ვაშლის შტრუდელი ლავაშით - მარტივი რ...

ვაშლის შტრუდელი

კომშის ჯემი ზამთრისთვის - არომატული...

კომშის ჯემის რეცეპტი