შემოდგომის დელიკატესი - გოგრის ცუკატები

საჭირო პროდუქტი:

• გოგრა - 2 კგ
• შაქარი - 2 კგ
• მიხაკი გემოვნებით
• დარიჩინის ჩხირები გემოვნებით
• წყალი - 1,5 ლიტრი
• ფორთოხალი - 2 ცალი

მომზადების წესი:

გოგრა გარეცხეთ, კანი გააცალეთ და კუბიკებად დაჭერით.

შაქარს დასხით წყალი და აადუღეთ.

დაჭრილი გოგრა ჩაყარეთ სიროფში და, დაახლოებით, 5 წუთი დაბალ ცეცხლზე ადუღეთ.

გოგრა ცეცხლიდან გადმოდგით და გააგრილეთ. ამის შემდეგ დაუმატეთ მიხაკი, დარიჩინის ჩხირები, ფორთოხლის წვენი და ცედრა.

გოგრა ცეცხლზე დადგით და, დაახლოებით, 5 წუთი ადუღეთ. ისევ გააგრილეთ და ისევ აადუღეთ.

ეს პროცედურა 5-ჯერ უნდა გაიმეოროთ და დაშაქრული ხილი გამჭვირვალე და ძალიან ლამაზი გახდება.

ბოლოს უკვე სიროფი გადაღვარეთ და გოგრის ნაჭრები პერგამენტის ქაღალდზე დალაგეთ და გააშრეთ. ცუკატების გშრობა ოთახის ტემპერატურაზეც შეიძლება და ღუმელში, 50 გრადუსზეც (ეს საგრძნობლად დააჩქარებს ცუკატების მომზადებას).

მზა ცუკატებს სიმინდის სახამებელი მოაფრქვიეთ და ჰერმეტულ ჭურჭელში შეინახეთ.